→ كل الوصفات
اكلتي المفضلة
المقادير
- ملوخية يابسة
- فروج فخاذ او سفن
- سمنة
- حمص مسلوق اختياري
- معلقة كبيرةثوم مهروس
- معلقة كبيرةدبس فليفلة
- معلقة صغيرة كزبرة يابسة
- عصير ليمون حامض
- ملح حسب الرغبة
طريقة التحضير
- اول شي نغسل الفروج منيح ونسلقو ونحطلو الباقة العطرية (ورق غار -عود قرفة_حب هال- لومي- بصلة) مع ملح
- بهالوقت نجيب الملوخية اليابسة وننقعها بمي سخنة كتير
- وبس يستوي الفروج نشيلو نحطو على جنب ونشيل معو الباقة العطرية وبهالوقت نغسل الملوخية منيح منيح ونحطها على مية الفروج
- نخليها تستوي ونحط فوقها الحمص المسلوق ونحط الفروج اللي شلنا منو العظم شي 5 دقايق
- بعدين نحط عصير الليمون وخليه يغلي 10 دقايق مع الحامض
- ونطفي الغاز. نجيب مقلاية منحط فيها سمنة لتسيح منحط فوقها الثوم المهروس والكزبرة اليابسة ودبس الفليفلة نحركهن شوي على الغاز ونطفي الغاز ونحط هالتتبيلة فوق الملوخية
- ونعمل جنبها رز بشعرية
- ريتو صحة والف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد