→ كل الوصفات

رشتة جزائرية 🇩🇿🇩🇿

#المريول_السوبر #لفت

  • 1 كلغ رشتة
  • أفخاذ الدجاج
  • حبة بصلة كبيرة
  • كأس حمص طايبة او منقوعة مسبقا في الماء
  • حبتين لفت
  • حبتين كوسة
  • ملعقتين كبار سمن
  • رشة قرفة
  1. في قدر نسكرفج البصلة ونحط أفخاذ الدجاج ونضيف الزيت والسمن ونقلي مليح الدجاج مع إضافة كل من الملح، فلفل أسود ورشة القرفة
  2. نمرق بماء ساخن حتى يتغطى الدجاج
  3. في جفنة نحط الرشتة ونفتحها مليح وندهنها بلعقل من الزيت ونحطها في كسكاس فوق القدر ونخليها نفور
  4. نضيف المرق اللفت مع الكوسة بعد مانقيتهم وقطعتهم
  5. كي تتفور الرشتة جيدا ننزعها ونحطها في جفنة نرشها بقليل من المرق ونخليها تتشرب
  6. في الاخير نحط الحمص إذا كان طايب وإذا كان منقوع في الماء نحطو في الاول
  7. نعاود نحط الرشتة في الكسكاس و نخليها تتفور المرة الثانية ولما تتفور مليح ننزعها ونحطها في الجفنة وندهنها بالزبدة
  8. كي تطيب الخضروات والدجاج ننزع الدجاج ونحمرو وبعدها نقدم الرشتة والدجاج مع المرق
عجبتك الوصفة؟
شوف كل وصفاتنا في مكان واحد
كل الوصفات →