→ كل الوصفات
طريقة عمل رقاق الشكولاته✨ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- عدد من الرقاق "طرى او ناشف حسب المتاح"
- 1/4 كوب حليب
- 1/4 م ص سمنه "اختياري"
- شكولاته اسبريد او مكعبات خام (ممكن نحط مربي او سكر بودر حسب اختياركم)
- جوز هند "اختياري"
طريقة التحضير
- هنبل الرقاقه مياه لحد متبقي طريه ونكون مسخنين طاسه مش بتلزق(عايزين تحطوا سمنه او لا براحتكم جربتها ب الطريقتين)
- نقطع الرقاق حسب حجم الطاسه المستخدمه اربع او انصاف ونحطها في الطاسه(في حاله انها بحشو الشكولاته مش هنحط الرقاقه كلها مره واحده هنفرد الشكولاته او نحط المكعبات علي نص الرقاقه ونحط باقي الرقاقه وبردو ممكن نعمل كدا في المربي)
- نستني لما تاخد لون من تحت ونقلبها الناحيه التانيه ولما تاخد لون ندوب مكعب شكولاته في ربع كوبايه اللبن ونسقيها عشان تبقي طريه او ممكن نحطها في الطبق ونسقيها وندخلها ميكرويف نص دقيقه
- بعد كدا نزينها بصوص شكولاته وجوز الهند والخطوه دي اختيارى تماما وبجد هتبقي ادمان🥰 وبالف هنا 🩵
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد