→ كل الوصفات
#بداية_خير وصفة حلوة وجميله وكلنا بنحبها خصوصاً في اول يوم العيد مع الفته أو في رمضان المهم جربوها وقولولي رأيكم بإذن الله هتعجبكم جداً ❤️ بس إذا بتعمل diet ونفسك فيها إذا ماشي بمبدأ إنك بتأخذ الأكل حسب حجم كف اليد هتاخد قطعة حجم كف اليد بدون اصابع وهتكون بديل النشويات في وجبتك يعني مكان رز أو معكرونه ونأخذ طبق سلطه كبير جنبها يكون خالي من زيوت ويكون مليان ورقيات❤️❤
المقادير
- 1/2 ك لحمة مفرومة معصجة (طريقة في الوصفات عندي)
- 1 ك رقاق ناشف
- 3 اكواب شوربة ويفضل تكون شوربة لحمة قابلين للزيادة
- سمنة حسب الحاجة
طريقة التحضير
- هنجيب شوربة لحمة نحط عليها مكعب مرقة ونحطها على النار تغلي (وطبعا اذا بنعمل دايت او عندنا مشاكل صحية وده كده كده الافضل ليك شيل مكعب المرقة❤️) ولما تغلي هنفضيها في طبق كبير واسع
- في صينية فرن ندهنها بالسمنه وهنقسم كمية الرقاق الى نصفين (يعني اذا هو ١٠ هنقسمه ٥ و٥ وهكذا)
- هنمسك اول ٥ هنأخذ اول قطعة ونبلها بالشوربة من جهتين ونرصصها في صينية المدهونه وناخد قطعة تانيه نبلها بالشوربه ونحطها فوقها بس هندهن فوق القطعة التانيه سمنه وبعدين نعيد الخطوة دي في ٢ تانين وندهن سمنه وفي اخر قطعة هنبلها بالشوربه ونرصصها فوقهم بس مش هندهن لا هنحط اللحمة المفرومه المعصجه (علشان تطلع مورقة)
- ونعيد نفس الخطوات في باقي رقاق الخمسه التانيين ونيجي عند اخر واحدة وندهن الوجه بالسمنه واصب كبشتين او مغرفتين شوربة من فوق وادخلها الفرن في رف الوسط لحد ماتستوي وتأخذ لون من فوق ومن تحت
- وفي حاله الفرن بدون شواية هنقلب الصنييه لجهة التانيه حتى تستوي وتأخذ لون ولما تستوي ونطلعها من فرن نغطيها بورق فويل أو بغطا علشان ماتنشفش وبألف هنا ❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد