→ كل الوصفات

رقاق باللحمه المفرومه المعصجه

#باللحم_المفروم

  • ½ كيلو لحم مفرومه
  • ¼ كيلو بصل مفروم
  • ملح
  • فلفل اسود
  • بهارات
  • رشة جوزة الطيب
  • كوب و نص شوربه لحم ساخن
  • كوب سمنه سايحه
  • معلقتين سمنه لعمل العصاج
  • ½ كوب حليب ساخن
  1. نبدا بعمل العصاج و نشوح البصل في السمنه و لما يصفر نحط اللحمه المفرومه و نقلبها لحد ما تدبل و لونها يتغير مع اضافة الفلفل و البهارات و جوزة الطيب و نضيف الملح بعد اللحمه ما تتعصج
  2. نحضر الصنيه و ندهنها سمنه سايحه و نبدا نرص طبقات الرقاق ندهن الطبقات بالسمنه كويس عشان تكون مورقه
  3. بعد ما نخلص خمس طبقات نحط اللحمه المعصجه و نكرر خمس طبقات و نسخن الفرن جدا لمده ربع ساعه
  4. ندهن اخر طبقه بالسمنه السايحه و نضيف الشوربه المخلوطه بالحليب ندخلها الفرن و نسيبها لحد ما الوش يحمر و نطلعها نقطعها و تقدم
عجبتك الوصفة؟
شوف كل وصفاتنا في مكان واحد
كل الوصفات →