→ كل الوصفات

رقاق طرى بالسجق😋🤩

وصفه محببه للكبار والصغار..تنفع للغداء وممكن يتقدم معها بطاطس محمره ومخلل او لسان عصفور وسلطه خضراء او طحينه او ثوميه #المريول_السوبر

  • 1/2 كيلو سجق
  • حبة فلفل صفراء
  • حبة فلفل حمراء
  • حبة فلفل أخضر
  • 1 بصلة كبيره
  • 2 معلقة زيت
  • 2 معلقة سمنه
  • كوب شوربة
  • ربع كوب لبن
  • معلقة صلصه
  • 1/4 كوب جبنة موتزاريلا مبشور (اختياري)
  • 1/4 كوب جبنة رومي مبشور (اختياري)
  • 1/2 معلقه صغيره ملح
  • 1/2 معلقه صغيره فلفل أسود
  • 1/2 معلقه صغيره توابل سجق
  1. يقطع السجق والبصل والفلفل الألوان إلى قطع صغيرة
  2. نضع طاسه او حله على البوتجاز نضع فيها الزيت وننزل بالسجق ونقلبه كويس لحد ماياخد لون
  3. ننزل بالبصل والفلفل مع السجق ونقلبهم كويس وننزل عليهم بالتوابل السابقه ونتركهم لحد مايستوى
  4. نجهز الخليط اللي هندهن بيه الرقاق (السمن او الزبدة) و(الشوربه واللبن)
  5. نحضر الصينية اللي هنعمل فيها الرقاق وندهنها سمنه ونبطنها برشة بقسماط عشان مايلزقش
  6. نضع اول ورقة رقاق وندهنها بالسمنه وبخليط الشوربه واللبن ومعلقة صلصة(اختياري)وكل واحدة هنحطها هندهنها بالخليط السابق لحد ما نخلص نص كمية الرقاق ونضع السجق في النصف ونضع باقي الرقاق ونضع على الوجه باقي السمنه ونقطع الرقاق وننزل عليه بخليط الشوربه واللبن والجبنه الموتزاريلا
  7. ندخل الصينية فرن ساخن مسبقا على درجة حرارة 200 لمدة نصف ساعة او أكتر لحد مايستوى ونشغل الشوايه من فوق ياخذ لون وبكدا يكون جاهز على الأكل..وبألف هنا😋🥰
عجبتك الوصفة؟
شوف كل وصفاتنا في مكان واحد
كل الوصفات →