→ كل الوصفات
طريقة عمل روبيان على طريقتي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كوب ربيان منظف ومغسل ومنقوع في ملعقة خل
- كوبين رز مغسول ومنقوع في ماء دافي وملعقة خل
- 4 بصلات كبار مقطعين مكعبات
- فص ثوم مهروس
- فلفل اخضر مقطع مكعبات كباو
- 0.25 حزمة بقدونس وشبت وكزبرة مفروم خشن
- حبة بطاطس مقطعة مكعبات ومقلية
- فنجان ماي ورد منقوع زعفران
- بصل محروق او مقلي
- بليلة او نخي مسلوق
- البهارات المطحونة ملعقة كبيرة من :
- هيل
- قرفة
- زنجبيل
- فلفل اسود
- كمون
- بديل الماجي
- بهارات مشكلة
- السبع بهارات
- من اسناد ملح
- حبتين هيل
- مسمار
- حبة سودا
- ورقة غار
- فلفل ابيض
- البهارات الصحيحة
- ملعقتين زيت زبدة
طريقة التحضير
- سلقت الربيان في كوب ماي ثلاث دقايق لين صار ابيض او وردي فاتح وصفيتة من الماي
- حمصت البصل بدون زيت وكل مالزق بالقدر حطيت ملعقة ماي واخليه يتكرمل على حرارة القدر لين وصلت للون ذهبي وبني بدون مايحترق اضفت الزيت والزبدة وقلبته
- اضفت الثوم وحمصته مع البصل وبعدها البهارات و قلبتها زين و اضفت الفلفل الاخضر وقلبت زين و اضفت فنجان ماي وتركته يتسبك
- جف الماي ، اضفت الربيان وقلبته مع الخلطة و اضفت البطاطس المقلي وفنجان ماي وتركته يتسبك
- في قدر ثاني حمصت البهارات الصحيحة في ملعقة زبدة و اضفت ملعقة ملح والرز وكوبين ماي و تركته ينضج نص استواء وصفيته من الماي
- رجعت للربيان بعد مايتسبك وحطيت عليه الحشايش (الاعشاب) اللي فرمتها وقلبته شوي وطفيت عليه النار
- حطيت نص كمية الرز بالقدر و فوقها الربيان و بعدين باقي كمية الرز وغطيته على نار هادية تقريباً خمس دقايق
- فتحت القدر و صبيت منقوع الزعفران وحطيت النخي او البليلة و البقدونس المفروم والشبت والبصل المحروق وتركته ثلاث الى اربع دقايق و بالعافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد