→ كل الوصفات
#سفاري_الجنوب
المقادير
- كيلو روز بسمتي
- كيلو لحم الإبل مرحي
- 2 كيلو بصل
- ربطتين كسبر
- ربطتين معدنوس
- فلفل حار
- راسين ثوم
- زيتون
- حليب سائل للروز
- جومبو اختياري
- ملح
- فلفل اسود
- زنجبيل
- قرفة
- كمون
- كركم
طريقة التحضير
- نبدأ بسم الله بالروز نحط في قدر كبير ماء يغلي وملح وقليل من الزيت لما يغلي اصب الروز و أحركو بملعقة لحتى يختلط واتركو يغلي والماء يكون كمية معتبرة لما اشوف انو صار الروز نصف مطهي اصفيه فلكسكاس واغسلو بالماء العادي واتركه يتقطر ثم اضعو يفور
- لما يفور المرة الأولى اصبو في قصعة و نرشو بالحليب فيه شوي ملح وفلفل أسود ولازم كي نبلبلو بالحليب مانحركوش حتا بتشرب كامل الحليب كمية الحليب في كيلو ارز تقريها نصف لتر واحيانا يتشرب كمية أكبر..لما يتشرب مليح اعيد أفورو مرة ثانية لازم يكون نشف قليلا ولا يتعجن لما يفور المرة الثانية ادهنو بملعقتين زبدة وارجع افورو للمرة الأخيرة و نخليه على جنب
- نوجدو الحشو نضع زوج كيلو بصل نرحيه في الروبو ونقليه في مقلة مع كمية زيت وملح وجومبو و فلفل أسود حتا يصير شفاف ومتكرمل في نفس المقلاة لما يسخن الزيت نضع كيلو اللحم البعير(الإبل) المرحي يتقلا حتا ينشف من العصير لي يخرج منو نضيف الملح الجومبو التوابل قرفة زنجبيل كمون كركم و الثوم المهروس ونبقا نقلب فيه حتا يطيب مليح ونرجعلو هاداك البصل المتكرمل ونحركو
- نقطع الكسبرة والمعدنوس رقيق رقيق والزيتون شرائح ونخلطو كلش مع بعض الروز و الحشو ومانزيدوش نفوروه باه مايكحالش الكسبر والمعدنوس يجي قمة في البنة حنا نديرو مع المشوي في بلاصة السفة ونقدرو نديروه مع دجاج
- ملاحظة البصل كمية كبيرة لكن هو السر تاعو مايجيش ناشف الروز والحليب يعطيه خفة رهييبة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد