→ كل الوصفات

روستو صدور الفراخ الفيليه 😋

#روستو_فراخ_فيليه براءة اختراااااع 😁✋🏻👌🏻

  • صدر فرختين مخليين من العضم
  • خيط عادي للف
  • رأس ثوم
  • 2 م ك ماء بصل
  • م ك ممسوحة صلصة طماطم
  • م ص زعتر
  • م ص بابريكا
  • ملح وفلفل اسود حسب الرغبة
  • حتة زبدة في حجم علبة الكبريت
  • 3 م ك زيت
  • 2 كوب ماء مغلي
  • شرايح زيتون اسود
  • جزرتين
  1. هنقسم كل صدر نصين هيبقى عندنا ٤ أجزاء. و نضم كل جزء على نفسه و نلفه بالخيط بحيث يبقى الجزء الاملس من صدر الفرخة هو اللي ظاهر لنا أكتر
  2. نفتح فتحات بالسكينة ونحشي جواها فصوص الثوم
  3. ندعك الفراخ بكل مكونات التتبيلة
  4. هنحط الزبدة والزيت على بعض في حاجة بغطا غير قابلة للالتصاق. تيفال / جرانيت.. إلخ. و نشوح الفراخ من كل الجوانب
  5. نضيف الماء المغلية بحيث تغطي نص الفراخ. و نغطي عليها و نخفف النار وسط. حوالي ربع ساعة. و بعدين نقلبها الناحية الثانية ربع ساعة كمان أو آكتر لحد ما نحس إنها استوت
  6. نرمى الماء و نحط نقطتين زيت في نفس الحلة و نضيف الزيتون والجزر الشرايح ياخذ تشويحة مع الفراخ.. وبالهنا والشفا 😋
  7. ملحوظة : اتخلصي من الخيط قبل التقديم. بالراحة كدا بمقص المطبخ قصيه أو بسكينة. واحدة واحدة عشان ميقطعش الطبقة الخارجية الحلوة للفراخ
  8. ملحوظة كمان 😁 : المقادير المذكورة لتتبيل صدر فرختين "٤ أجزاء" زي ما هو موضح في أول صورة.لكن سويت نص الكمية. زي ما هو واضح في الصورتين اللي بعد كدا ❤️❤️❤️
عجبتك الوصفة؟
شوف كل وصفاتنا في مكان واحد
كل الوصفات →