→ كل الوصفات

رولات الباذنجان بكفتة الفراخ وصوص الطماطم والجبنة

طريقة عمل رولات الباذنجان بكفتة الفراخ وصوص الطماطم والجبنة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كمية الباذنجان حسب ماتحبي ويكون طويل عشان نعرف نلفه
  • زيت لدهان الباذنجان
  • 🌿 مقادير كفتة الفراخ
  • كيلو مفروم فراخ خليط من الصدور والاوراك
  • بصلة كبيرة مفرومة ناعم
  • ثمرتين فلفل حار مفروم
  • ملعقة صغيرة زنجبيل
  • ملعقة صغيرة كزبرة جافة
  • ملعقة صغيرة فلفل اسود
  • ملعقة صغيرة بابريكا
  • ملعقة صغيرة زعتر
  • ملعقة كبيرة بهارات كفتة
  • ملعقة كبيرة ملح
  • ¼ كوب زيت زيتون
  • 🌿 مقادير صوص الطماطم
  • كوبين عصير طماطم
  • ½ ملعقة صغيرة ملح
  • ½ ملعقة صغيرة فلفل اسود
  • ½ ملعقة صغيرة كزبرة جافة
  • ½ ملعقة صغيرة زعتر
  • ملعقتين كبار زيت زيتون
  • 🌿 للوجه
  • خليط من الجبن الشيدر الابيض والاصفر وموتزاريلا
  1. نغسل الباذنجان من برا وتخليه بقشره ونقطعه شرائح طولية رفيعة حوالى نص سنتى
  2. نحضر صاج أو صينية ونفرش فيها ورق زبدة وندهن عليه زيت ونرص الباذنجان فيها جنب بعض وندهنه زيت بالفرشاة
  3. ثم ندخله فرن ساخن متوسط الحرارة حوالى ربع ساعة حتى يصفر لونه قليلا مايحمرش بس عشان يذبل ونعرف نلفه
  4. بعد كدا نطلعها من الفرن ونتركه يبرد
  5. تحضير الكفتة نخلط كل مكونات الكفتة على بعض ونعجن فيها شوية وبعدين نتركها ترتاح ربع ساعة
  6. نحضر صينية فرن مدهونة زيت عشان نرص فيها رولات الباذنجان
  7. نأخذ شريحة باذنجان نفردها وناخد قطعه من الكفتة نشكلها صوباع ونضعها على شريحة الباذنجان ونلف رول
  8. ونرص فى الصينية ونكمل باقى الكمية حتى نخلص الصينية
  9. ثم نخلط كل مكونات صوص الطماطم ونوزعها على وجه رولات الباذنجان
  10. وندخلها فرن ساخن متوسط الحرارة حوالى تلت لنص ساعة
  11. ماتخليش الباذنجان يجف الصوص بتاعه
  12. بعد كدا نخرجه ونوزع على وجهه خليط الجبن وندخله الفرن تانى خمس دقائق حتى تسيح الجبنة
  13. ثم يقدم بألف هنا مع أرز محمر حبة وحبة
  14. إيه رأيكم كان لذيذ وخفيف وتغيير عن شكل الباذنجان التقليدى
  15. يا رب تكون الوصفة نالت إعجابكم تحياتى لكم Batota Shawky
عجبتك الوصفة؟
شوف كل وصفاتنا في مكان واحد
كل الوصفات →