→ كل الوصفات
طريقة عمل رولات العجينه القطنية بحشوة الجبنة 👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- العجينة
- 500 جرام دقيق
- معلقه صغيره سكر
- معلقه صغيره بيكنج بودر
- معلقه صغيره خل
- كوب زبادي
- بيضتين
- 1/4 كوب ميه دافي
- معلقه كبيره سمن أو زبده أو 3 معالق كبار زيت
- معلقه صغيره نعناع مجفف
- الحشو
- كوب جبنه
- رشه ملح
- معلقه صغيره نعناع مجفف
- للفرد
- معلقتين كبار سمن
- للوش حبة البركة
طريقة التحضير
- ربع كوب الميه يكون دافي هقلب فيه الخميره والسكر تنشط الأول وفبولة غويطة هضيف باقي المكونات واضيف بيضه كامله وبياض البيضه التانيه واحتفظ بالصفار فكوبايه لوحده
- واضيف الخميره بعد النشاط واعجن كل المكونات فالبوله مع بعضهم لما تتكون عجينه طريه مش ملزقه هنغطيها واخليها تخمر نص ساعه
- بعد التخمر هنقسم العجينه كور متساويه ونرش دقيق ع صينيه ونرصهم وندهن الوش سمن
- هندهن الصينيه هنفرد عليها العجين بالسمن وناخذ كوره نفردها
- ونقلب مكونات الحشو مع بعضهم ونضيف معلقه منه على طرف العجينه
- ونطبقها ونقفل كويس الطرف على الحشو عشان ميطلعش من الجوانب ونلفها رول بالشكل ده
- هندهن صينيه الخبز سمن ونرصهم زي الصوره كدا
- وادهنهم بالصفار إلى سيبناه فالأول على جمب واعمل شقوق عالوش بسن السكينه
- وتكون خفيفه خالص واخلي الصينيه تخمر حوالي ساعه ونص يتضاعف الحجم مرتين هدهنه تاني بباقي الصفار بعد التخمر واوزع عالوش حبة البركة واسخن الفرن على ٢٢٠ وادخلها تستوي وتأخذ وش
- اول ماتطلع من الفرن هوزع عالوش ميه بسيط وهي سخنة رشه بسيطه واغطيها خمس دقايق ويتقدم بالهنا 💪✋
- ملحوظة الحشو حسب ماتحبوا دمتم بصحة وهنا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد