→ كل الوصفات

رولات مسخن ودجاج محشي

طريقة عمل رولات مسخن ودجاج محشي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • للدجاج المحشي
  • 4 دجاجات, ليس مقطع
  • كاستين ونص رز مصري
  • راسين بصل
  • 4 معالق لبن, رايب
  • معلقتين بهارات مشكله
  • معلقة فلفل اسمر
  • معلقة صغيرة ملح
  • بصلة, لسلق الدجاج
  • لرولات المسخن
  • 3 سفاين دجاج
  • 5 بصل
  • 0.5 فنجان زيت زيتون
  • 4 معالق سماق
  • 5 ارغفة خبز شراك, للتقديم
  • قليل زيت, للتبطين
  1. بنبلش بالدجاج المحشي. بنضف الدجاج منيح من جوا وبره
  2. بنكون ناقعين الرز وبنتبله بالبهارات والفلفل والملح
  3. بنحشي الدجاج وبنخيط الفتحه وبنصف الدجاجات بطنجره وبنفرم عليهم راس بصل. وبنغمرهم بماء ساخنه وبنسلقهم على النار مدة ساعه وربع
  4. بنفلفل رز اصفر متل رز المنسف. وبنحط الدجاج فوقه وهيك صار جاهز للتقديم
  5. رولات المسخن, بنسلق السفاين مع بصله شرايح مدة نص ساعه على النار. وبس يستوو, بنسحبهم من العظم
  6. بطنجرة تانية, بنحط خمس بصلات مقطعات شرايح وزيت زيتون. وبنضل نقلب ليدبل
  7. وبعدين بنحط الدجاج المسحب والفلفل والبهارات والملح وبنقلبهم خمس دقائق. وبنطفي تحته
  8. بعد ما يستوو, بنطلعهم من الماء وبندهنهم بلبن رايب وسماق وبهارات وفلفل. وبنحمرهم بالفرن
  9. بنقطع خبز الشراك لمثلثات وبنحط الحشوه. وبنسكر الخبز من الجهتين وبنلفها رول. وبنكبسهم على الجريل, او بصينية تيفال بنحميها على النار. وبنحط فيها شوية زيت والسندويشات وبنكبسهم بغطاء طنجره
عجبتك الوصفة؟
شوف كل وصفاتنا في مكان واحد
كل الوصفات →