→ كل الوصفات
#٣_وصفات 18.4.2020
المقادير
- لفة جلاش
- 3 ملاعق سمنة سايحة 🧈
- 1/4 كيلو لحمة مفرومة 🥩
- بصلة مبشورة 🧅
- زيت
- ملح
- فلفل اسمر
- بودرة بصل
- بودر ثوم
- بودرة زنجبيل
- بهارات لحمة 🧂
- 3 حبات فلفل ألوان متقطعين 🥗
- زيتون أخضر 🫒
- للوش
- بيضة 🥚
- كوباية صغيرة لبن 🥛
- ملح وفلفل اسمر 🧂
طريقة التحضير
- هجيب طاسة سخنة واضيف فيها الزيت واسيبه يسخن بعدين احط البصلة🧅واقلب لحد ما تدبل
- انزل باللحمة وراها البهارات واقلبهم شوية واوطي النار عليها واسيبها تستوي
- أول ما تبدأ تستوي اضيف الفلفل الألوان والزيتون لحد ما تستوي وتتعصج
- اجيب كل ورقتين جلاش وادهنهم سمنة بالفرشاة واضيف عليهم الحشوة والفهم بالطول زي الرول وادهنهم برضوا سمنة خفيف من برة وهكذا افضل اعمل كده لحد ما اخلص اللفة
- اجيب صينية مربعة 🔲 وادهنها سمنةوارص فيها رولات الجلاش جنب بعض
- هضرب كل مكونات الوش مع بعض واقطع رولات الجلاش زي ما هقدمها بعدين اوزع خليط اللبن والبيض عليها من فوق
- هدخلها الفرن من 15 ل20 دقيقة ⏱️ وافتح عليها الشواية في الآخر يادوب تاخد لون بس وبألف هنا 😋😋
- ممكن لو مش عايزين لحمة نعمل نفس حشوة الفراخ اللي عملتها في النجرسكو وبتطلع قمر برضوا 🧡🧡
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد