→ كل الوصفات
#ولا_اسهل #سر_الطبخة #ع_طريقتي #ولا_احلا 😍.. التغير حلو ومطلوب وخاصه انو دخلين على رمضان 🌙 وعايزين الحاجات دي بجد من الاخر جربوه ومش هتندمو 👌
المقادير
- 0.5 كيلو صدور فراخ
- 2 بصله
- بشر طماطمه صغيرة
- كيس خضار مشكل
- ملح
- فلفل اسود
- بهارات فراخ
- 0.25 كوب بقسماط ناعم
- معلقه صغيره كاري
- 0.25 عود كرفس
طريقة التحضير
- اول خطوه هانعملها هنتبل صدور الفراخ مع بصله مفرومه ناعم وبشر الطماطم وعليه ملح وفلفل اسود وبهارات فراخ و رشه كاري ونسيبه مش اقل من نص ساعة واخدها نفرمها ناعم ونحط عليها ربع كوب بقسماط ناعم ونقلبها ونجيب كيس تخزين من بتاع المطبخ ونفتحو ونفرد الفراخ عليه بالشكل دا
- في طاو على النار هانحط شويه زيت ونزل فيهم البصله التانيه بعد ما نقطعها مكعبات صغيرة ونقلبها تذبل وننزل فيها كيس الخضار المشكل ونقلبهم ونضيف مكعب مرقه ونحط ملح وفلفل اسود وبهارات فراخ نقلبهم لحد ما تستوي انا حطيت ربع عود كرفس
- هانفرد الفراخ على الكيس بالشكل دا وهانحط عليه الخضار بعد ما يبرد شويا هانلف الرول على بعضو ونقفلو زي البونبون كدا ونجيب استريتش ونلفها تاني وندخلها الفريز نص ساعة تمسك وتأخذ شكل الرول
- هانطلعها من الفريز نفكها من الكيس ونحطها في فويل وندخلها الفرن ساعة الا ربع ونسيبها تستوي وبعد كدا نفك الفويل ونحمرها ونقدمها مع الرز وبالهنا والشفا ✌️
- #سر_الطبخة انا غيرت الحشو وحطيت خضار ممكن تحطي رز بأنواعو وا شكالو و حطيت عود كرفس مع البصل عشان تأخذ طعم جميل وزادت شويا خضار قمت عملت بيهم الرز 😍😉👌
- ملحوظه صغنونه.. عشان الفراخ وانتي بتفرديها هاتكون بتلزق ادهني اديك شويه زيت او استخدمي ماء البصل ودا احلى من الزيت ✌️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد