→ كل الوصفات

ريش ضانى 🐏 بدبس الرمان

عيد أضحى سعيد علينا وعليكم يارب ❤️ اكترنا فى العيد بناكل لحم الضأن (الخروف) و أحب جزء لقلبي فى الخروف هى الريش وبالذات لما تتشوي على الفحم او صينية فى الفرن زي وصفتنا انهاردة وبمناسبة العيد حنعمل احلى ريش ضاني بدبس الرمان 😍

  • كيلو ريش ضأن
  • التتبيلة
  • ملعقة كبيرة دبس رمان
  • ملعقة كبيرة روزماري
  • ¼ كوب خل ابيض
  • ¼ كوب عصير ليمون
  • ملعقة كبيرة زيت نباتي
  • ملعقة كبيرة صلصة
  • ملعقة كبيرة ثوم مفروم
  • بصلة كبيرة مفرومة
  • خضار الصينية
  • بصلتين جوانح كبيرة
  • 4 حبات بطاطس مربعات وسط
  • ملعقة كبيرة ثوم مفروم
  • ملح وفلفل اسود
  • ¼ كوب خل ابيض
  • ملعقة زيت نباتي
  • كوب ماء
  • ملعقة كبيرة دبس رمان
  1. نحضر التتبيلة بوضع جميع مكوناتها ونخلطهم جيدا ثم نضع الريش بها ونغطيها ونضعها فى الثلاجة لمدة لا تقل عن ٣ ساعات ثم نطلعها وفى مقلاة ومن الممكن إضافة ملعقة كبيرة زبدة (حسب الرغبة) و نعطيها تشويحة لكل وجه ٣ دقائق لاحد لما تاخد اللون الدهبي الجميل بتاعها
  2. ثم نحضر خضار الصينية بتقطيع البطاطس مربعات والبصل جوانح ونضيف عليهم الخل والفلفل الأسود والملح والزيت ودبس الرمان والثوم المفروم ونقلب بأيدينا جيدا علشان البطاطس تشرب الخلطه
  3. نضيف الريش على الخضار فى الصينية وندخلها الفرن حتى تمام التسوية وبالف هنا على قلوبكم 🌹
عجبتك الوصفة؟
شوف كل وصفاتنا في مكان واحد
كل الوصفات →