→ كل الوصفات

ريش ضاني بالصوص في الفرن 🔥

لعشاق اللحم الضاني

  • كمية من اللحمة الريش
  • طماطم وبصل وفلفل حسب كمية اللحمة وحسب كمية الصوص المطلوبه
  • توابل ملح وفلفل وبهارات لحمه حسب الرغبه
  • مكعب مرقة لحم
  • معلقة كبيرة خل
  1. في الخلاط نحضر تتبيله الصوص نحط الطماطم والبصل والفلفل والخل وعليهم مكعب المرقة والتوابل ونخلي بالنا من الملح علشان المرقة بتحدق وصوص باربيكيو ان وجد اختياري يعني
  2. في بولة عميقة بنحط الريش المتنصفة وننزل عليها بالتتبيلة ونخليها اقل حاجة ساعتين واكت حاجة ليلة في التلاجة
  3. في الصينية نرص الريش وننزل بالتتبيلة ونرفعها عالنار متغطيه او في الفرن متغطية بفويل حسب المتاح
  4. ونتابع التسوية لو الماية قلت نزود وهكذا لحد ما تستوي بالكامل ونوصل لقوام الصوص اللي عاوزينه نكشف الصينية وندخلها الفرن تاخد وش متحمر كده
  5. ونحط فحمه عالنار ونطبق ورقة فويل كانها طبق او غطا برطمان ومعلقة زيت وننزل بالفحمه المولعه عالزيت ونغطي الصينية تاخد ريحة الفحم والشوي
  6. تتقدم بقا جمب رز بسمتي او رز ابيض مع سلطة وطحينة وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →