→ كل الوصفات
طريقة عمل زربيان باللحمه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كيلو لحمة قطع مع العضم مغسول جيداً
- 2 كيلو رز حبة طويلة منقوع
- 6 بطاطا حجم صغير
- 2 بصل مقطع جوانح
- 5 ثوم مهروس
- ¼ كاسة زيت
- م.ك من(كاري. بهار اللحمة. بهار مشكل)
- م.ص من (الهيل. قرفة)
- الوان طعام (اصفر. احمر)
- للتزيين (لوز ومكسرات مقلي)
طريقة التحضير
- في طنجره بضيف الزيت والبصل ليدبل وبعدها الثوم والبطاطا وجميع البهارات وبعدها اللحمة وبضيف الماء لمده ساعتين لتستوي اللحمة على نار هادية ** البطاطا مقشره ومغسولة
- بصفي الرز بعد النقع وبضيفو على مرق اللحمة بنفس الطنجره. وبخلي يستوي لمده 30 دقيقه على نار هادية
- قبل ما يستوي الرز ب5 دقائق بضيف الوان الطعام وبغطي... بضيف فحم اخر شي ليعطي نكهة للرز واللحم * الفحم اول شي بشغلها على الغاز 5 دقائق وبعدها بحط قصدير فيها زيت وبحط الفحم وعلى الرز وبغطي الطنجره*
- في صينية التقديم بسكب الطنجره وبزين باللوز والمكسرات وبقدم معه سلطة/ دقوس (سلطه حارة) / لبن رايب وبالهنا والعافية😊😊
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد