→ كل الوصفات
من اكتر الاكلات الي بتنطلب عنا بالاردن وطريقتها صعبه لأنها بتندفن بالأرض أنا اليوم عملتها بطريقه سهلة وفي البيت وانظف وازكى من المطاعم 👌
المقادير
- قطع دجاجه مقطعة لأربع
- 6 بصلات متوسطة الحجم كاملات
- 6 حبات بطاطا متوسطة الحجم كاملات
- 6 حبات جزر مقطعة من النص
- 4 سنون ثوم
- حبتين بندورة مقطعة
- بصلة مفرومة
- قرن فلفل اخضر
- معلقتين كبار صلصه بندورة
- معلقتين كبار لبن رايب
- 1/2 كاسه زيت نباتي
- 1/2 كاسه خل ابيض
- معلقه كبيره بهارات الكيجن
- معلقه كبيره ملح
- معلقه صغيره فلفل اسود
- معلقه كبيره بهارات
- 4 كاسات رز بسمتي
- معلقتين كبار بهارات حب
- ملعقة كبيره بهارات كيجن
- معلقه صغيره فلفل اسود
- بكيتين ماجي بودرة
- ملح حسب الرغبة
طريقة التحضير
- لتتبليه الدجاج.. بضيف البندورة والتوم والبصل والفلفل والصلصة واللبن والزيت والخل بالخلاط وبطحنهم ناعم بعدين بكون منظفه الدجاج منيح وعامله فيه فتحات بالطول بدير عليه التتبيلة وبضيف البهارات الي ذكرتها فوق وبدعكهم منيح حتى يتغلغل الصوص بفتحات الدجاج وبصينيه الفرن او الجريل الي عالغاز بضيف ورقه زبده وبحط الدجاج وبضيف الخضار الي ذكرتها فوق بعد ما اغسلها وبغطي الدجاج بورقه زبده وبسكر الجريل وبحطه عالغاز لمده ساعه أما إذا كانت صينيه بضيف ورقه زبده وبحطه عليهاورقه فويل وبداخلها عالفرن لمده ساعتين
- للأرز بطنجرة على الغاز بضيف نص كاسة زيت وبضيف عليها معلقتين بهارات حب وبقلبهم وبضيف البهارات الكيجن والفلفل الاسود وبكون غايله الارز بعد النقع وبضيفه فوق البهارات وبضيف الملح والماجي وبقلبهم مع بعض واخر شي بضيف ماء دافئه لكل كاسة رز بدنا كاسة ماء وحسب الرز الي عندك
- اخر شي بس يستوي الدجاج بشويه بالفرن من فوق وتحت هو والخضار
- بس يستوي الارز بقدمه وبضيف عليه الدجاج والخضار وبتزينوه حسب ما بتحبوا وبكون مولعه فحمه وبحطها بنص الصحن أو السدر الي بدي اقوم فيه الرز وبطفيها بمعلقه زيت وبغطي السدر بسدر اكبر منه
- وصحتين وعافية ❤️ لا تنسوني من صالح دعائكم 💓
- ملاحظة..بقدمه مع صوص الدقوس وشغله تانيه بضيف على الدجاج قبل ما نحطه بالفرن باقي التتبيلة الي نقعناه فيها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد