→ كل الوصفات

زلابية او لقمة القاضى هشة ومقرمشة لأخر حبه

طريقة عمل زلابية او لقمة القاضى هشة ومقرمشة لأخر حبه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 كوب دقيق لازم يكون منخول
  • 2 معلقة صغيرة سكر
  • 2 معلقة صغيرة خميرة
  • 1 معلقة صغيرة لبن بودرة
  • 2 معلقة صغيرة نشا او بودرة الكاسترد
  • ذرة ملح
  • رشة فانيليا
  • 1 معلقة كبيرة زيت
  • 1،1/3 كوب ماء دافىء
  • شربات تقيل
  • كوب ماء
  • كوبين سكر
  • عصير نص ليمونة
  • رشة فانيليا
  1. نخلط المكونات الجافة مع بعض (الدقيق واللبن البودرة والنشا والملح والفانيليا والخميرة والسكر) ونقلبها كويس
  2. نزود الماء الدافي بالتدريج ونقلب لحد مانخلصه
  3. نعجن كويس المكونات باليد او بالعجين لمدة ١٠دقايق وبعدها نحط معلقة الزيت ونقلب تقليبه خفيفة
  4. بعد كده نغطى الخليط ونسيبه يخمر لمدة لاتزيد عن ٢٠دقيقة فى الصيف و٣٠دقيقة فى الشتاء علشان تنجح معانا الزلابية
  5. بعد كده نقلب العجينة بعد ما تخمر علشان نخرج الهوا الزيادة منها وعشان ماتفرقعش فى التسوية
  6. نجيب كيس حلواني او كيس عادى ونحط فيه العجينة ونعمل فتحة فية على قد الحجم اللى احنا عايزينه كبير او صغير
  7. ندهن صواعق الايد اللى هاتقطع الزلابية بالزيت والايداع التانية ماسكة الكيس وبضغط عليه لخروج العجينة
  8. بتقطع الزلابية بالحجم المطلوب وتنزل فى زيت غزير دافى علشان تستوى وتتنفخ براحتها
  9. نخلص الكمية بس اهم حاجة نسيب مسافة بين كل واحده والتانية علشان ماتلزقش فى بعض
  10. نقلب كويس لتوحيد اللون عاوزين اللون اول مرحلة يبقى دهبى فاتح زى البطاطس نطلعها كلها ونسيبها تبرد
  11. بعد ماخلصناه كلها وسبناهتبرد هنرجعها تانى فى زيت سخن علشان تاخد لون اغمق مع التقليب المستمر
  12. بعد مانوصل للون المطلوب نخرجها على الشربات البارد على طول ونقلبها ونسيبها فيه ٣دقايق ونخرجها على مصفاه علشان تصفى الشربات الزيادة
  13. تتقدم فى اطباق او بولات التقديم ويمكن رش شوية شربات عليها اوجوز هند او مكسرات وتقدم بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →