→ كل الوصفات
زيتون تفاحي مخلل
المقادير
- 2 كيلو زيتون تفاحي
- 1/4 كيلو شطة حامية
- 4 عود كرفس فرنساوي متقطع صغير بدون ورق
- محلول ملح حسب الكمية
- 1/4 كيلو جزر مبشور
- 1/2 كيلو ليمون (الوزن دا قبل مايتعصر)
- 1 ملعقة ص كركم + 1/2 كوب ماء ساخن
- 1/4 كوب زيت زيتون
طريقة التحضير
- جهزت محلول الملح (لكل لتر ماء 5 ملاعق ك هرمية ملح خشن + 2 ملعقة ك سكر)، غسلت الزيتون كويس وضغط عليه بالمدق دقة واحدة، بشرت الجزر، قطعت الكرفس بدون اوراق، غسلت الشطة، عصرت الليمون (وبعدها اخدت القشور سلقتها)
- عملت طبقات في البرطمان، طبقة جزر و كرفس، طبقة زيتون، طبقة شطة، ونكرر واخر طبقة قشور ليمون وقفت لحد 3/4 البرطمان، نزلت عصير الليمون، محلول الملح، 1/2 كوب ماء ساخن دوبت فيه كركم، قفلت عليه غطاء صغير علشان (يكمرها)
- اخر حاجة خالص ضيفت طبقة زيت زيتون وقفلت بكيس وبعدها غطاء البرطمان، بعد كام يوم هايحصل فوران علشان كدا بنسيب جزء فاضي
- اذا هانخلل ليمون مع الزيتون، بنسلق 2 كيلو ليمون، وناخد ماء الليمون نستخدمه في محلول الملح😋
- ملحوظات؛ السكر بيعمل قرمشة مع كل المخللات - الكركم بيخلي الزيتون لونة زاهي 🥰 - الغطاء الصغير اللي بيكمر المخلل بيحافظ على جودته
- بعد شهر بيبقى خلاص مناسب للاكل اذا كان تفاحي اما اذا عزيزي فاربع شهور لانه مر حتى اذا نقعناه تلات ايام مع تغيير المية تلات مرات يوميا بتفضل المراراة فيه شوية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد