→ كل الوصفات
عجينة السابليه مش بتختلف كتير عن عجينة البيتي فور وطرق التزيين تقريبا متشابهة نوعا ما طيب ليه منعملش الاتنين بعجينة واحدة ونزينهم بالطريقة اللي تعجبنا 😉 وهقولك كمان علي طريقة سهلة وسريعة لتشكيله 🤩
المقادير
- كوب زبدة طرية
- كوب الا ربع سكر بودرة
- 2 م ص فانيليا سائلة او 2 كيس فانيليا
- بيضة
- صفار بيضة
- 2 كوب دقيق (قابل للزيادة)
- رشة ملح
- مربي
- قطع شوكولاتة بيضاء
- قطع شوكولاتة غامقة
- فورماسيل شوكولاتة والوان
- سوداني مجروش
طريقة التحضير
- اولا العجينة: في بولة اضرب بالمضرب الكهربائي (زبدة ، سكر) بعدين (فانيليا ، بيض) بعدين اضيف رشة الملح والم العجينة بالدقيق ،،
- ثانيا التشكيل : حطي العجينة ١٠ دقايق في الفريزر تمسك نفسها شوية وبعدين افرديها بين كيسين بالنشابة وبأي قطاعة عندك قطعيها ، شكل كبير للسابليه ، وشكل صغير للبيتي فور زي ما انا عاملة بالظبط كدة في الصورة ،،
- ثالثا الخبز : افردي علي صاج الفرن ورق زبدة ورصي البيتي فور والسابليه براحة ودخيله الفرن علي حرارة متوسطة وخلي بالك مش بياخد وقت لحد لما ياخد لون ذهبي من تحت ، ممكن بعديها تفتحي الشواية ياخد لون من فوق وبس كدة ،،
- رابعا التزيين : للبيتي فور الصق كل ٢ بالمربي ، بعدين نذوب الشوكولاتات علي حمام مائي وابدا ازين السابليه والبيتي فور زي الصور او زي ما انتي عاوزة وبس كدة ،،
- ملحوظة : للسابليه والبيتي فور (الشوكولاتة) شيلي من مقدار الدقيق ٣ ملاعق وضيفي (٣ م ك كاكاو خام)
- يوجد في وصفاتي (بيتي فور بكل طرقه) هتلاقي ملف كامل لعجينة البيتي فور وبكل اطعمته وطرق تشكيل مختلفة ليه ممكن ترجعوا ليها كوصفة مجعمة باختصار عن البيتي فور وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد