→ كل الوصفات
هيعجبكم جدا بإذن الله ❤️
المقادير
- 1/2 كيلو زبده مقطعه مكعبات (حوالي 1/2 2 كوب)
- كوب سكر بودرة ناعم
- بيضه
- 1/4 م ص فانيليا
- كيلو الا ربع دقيق(حوالي 1/2 4 كوب)
- 1/4 م ص ملح
- فارمسيل حسب الرغبه
- برطمان مربى
- مكسرات مطحونه او سليمه متنوعه حسب الرغبه
- باكيت شوكولاته بيضاء
- باكيت شوكولاته بالحليب او غامقه
طريقة التحضير
- هنحط زبدة ف العجانه او ف بوله ونضربها بالمضرب الكهربائي كويس لحد ماتبقى كريمي ولونها يفتح شويه
- وبعدين نضيف سكر بودرة و نضرب لحد ماتبقى كريمي وناعمه وبعدين نضيف بيض و الفانيليا ونخلطهم كويس
- وبعدين نحط دقيق مع الملح ونضرب بس مانضربش كتير اوي لحد مالون دقيق يروح وهتلاقي العجينه مرمله كده عادي اصلا كلمه سابليه جايه من كلمه sable بالفرنسيه معناها رمل
- وبعدين نبدأ نقلب ونلمها باستخدام سباتولا spatula اللي هي معلقه المسطحه دي ونسيب العجينه في كيس او استرتش بلاستيك ونحطها ف تلاجة من ربع لنص ساعه لحد ماترتاح
- وبعدين اطلعها من تلاجه واخد جزء منها واحطه مابين ورقتين زبده وافردها بنشابه وبعدين اشيل ورقه زبده اللي فوق وابدأ استخدم القوالب التقطيع بتاعتي واشكلها ف عجينه زي ما احب اشكلها دايره نجمه مربع براحتي وبعدين اغطيها تاني بورق زبده واحطها ف تلاجه تتماسك شويه واعيد نفس خطوات ف باقي العجينه وبعد ما اطلعها من تلاجه ارصها في صينيه مدهونه خفيف اوي زيت وارص الاشكال ممكن ناخد جزء من الاشكال وبضهر البلابل او غطا ازازه واعمل خرم ف نص العجينه واحطها ف فرن لحد ماتستوي هي ممكن تاخد من ١٠ دقايق ل١٥ دقيقه او اكتر
- وف اخر نشغل الشوايه من فوق ثواني ياخد لون بسيط واطلعها ونسيبها تهدى وبعدين نزينها بطرق كتير وبألف هنا ❤️
- بالنسبة للتزيين جبت طبق حطيت ف قالب شوكولاته الغامقه وسيحته ف المايكرويف و قالب شوكولاته بيضا ف طبق تاني لوحده وسيحته بنفس طريقة وجبت طبق للفارمسيل وطبق للمكسرات وطبق لجوز الهند
- مسكت اشكال معينه لزقتها مع بعض بالمربى و حطيت عليها مكسرات واشكال حطيت نصها في الخليط و زينتها بالفارمسيل
- وجبت طبق حطيت معلقه شوكولاته غامقه ومعلقه شوكولاته بيضا وعدت الخطوه وجبت خلة اسنان ودخلت الاشكال بطريقه عشوائيه زي مابنعمل كيكه التايجر و حطيت سابليه عليه علشان يديني شكل رخامي ده
- وفي اشكال غطستها في الشوكولاته وجبت شوكولاته بيضا وعملت خطوط وسحبتها بخله لتحت و لفوق علشان يدي شكل ده
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد