→ كل الوصفات
طريقة عمل سابليه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 300 جم دقيق
- 200 جم زبدة
- 100 جم سكر بودرة
- بيضة
- فانيليا
- معلقة كبيرة كاكاو (اختياري)
- لون احمر (اختياري)
- مربى أو شوكولاته
- صوص شوكولاته
طريقة التحضير
- أول حاجة نضرب الزبدة مع السكر البودرة كويس جدا لحد ماتتجانس وتتحول لشكل كريمي
- بعدين نضيف البيضة و الفانيليا نخلط كويس (ولازم تكون في درجة حرارة الغرفة ما تكونش بارده)
- آخر حاجة نضيف الدقيق ونبدأ نلم العجينة ونجمعها لحد ما تكون على شكل كرة
- نغلف العجينة بورق زبدة أو بلاستيك وندخلها التلاجة ترتاح من نص ساعة إلى ساعة (مهمة جدا الخطوة دي)
- بعد ساعة نطلع العجينة من الثلاجة نبدأ نفردها عشان نشكلها وقبل الفرد أنا قسمت العجينة ل٣ أجزاء في جزء سبته ابيض وجزء اضفت عليه اون احمر والجزء الثالث اضفت عليه الكاكاو كده بقى عندي ٣ الوان نقدر نفرد ونقطع ب القطاعات أو الاشكال إللي نحبها
- نرص الاشكال إللي فطعناها في صينية مش مدهونة وتدخل الفرن على 180 حوالي ١٥ دقيقة أو لحد ما نلاقي السابليه بدأ ياخد لون حلو
- بعد ما يطلع من الفرن لازم نتركه لحد ما يبرد خالص قبل التزيين
- تزين السابليه بيكون اختياري حسب الرغبة ممكن نلزق كل آتنين مع بعض بمربى أو شوكولاته ونزينها بصوص شيكولاته
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد