→ كل الوصفات

سابليه 🥣🍽️

طريقة عمل سابليه 🥣🍽️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 400 جم دقيق
  • 100 جم نشا
  • 100 جم سكر بودرة
  • 200 جرام زبدة حلوة
  • 2 بيضة
  • م ك فانيليا
  • م ص بيكنج بودر
  • 1/4 م ص ملح
  • توفي
  • مربي
  1. في بولة نحط الدقيق والنشا والملح والبيكنج بودر ونقلبهم كويس (نشيل معلقتين من الدقيق علي جنب)
  2. وفي بولة تانية نضرب الزبدة (تكون بحرارة الغرفة) مع السكر حتي يتكون خليط فاتح وهش ثم نضيف البيض والفانيليا ونضرب حتي يختفي البيض
  3. ننخل المكونات الجافة واحنا بنضيفها عالي الخليط اللي عملناه جزء جزء ونقلب لحد ما العجينة تلم وتكون بتلزق خفيف لو بتلزق جامد نضيف معلقتين الدقيق لو مش محتاجة خلاص ونحطها في التلاجة من نص ساعة لساعة قبل التشكيل
  4. نخرجها ونقطعها ونشكلها زي ما نحب ونحطها علي ورق زبدة وندخلها فرن سخن علي ١٩٠ لمدة ربع ساعة ونتابع السوا لو خد لون دهبي من تحت يبقي تمام واما يخرج السابليه نسيبه يبرد ثم نحشيه بالمربي أو بصوص التوفي وبالهنا ❤️
عجبتك الوصفة؟
شوف كل وصفاتنا في مكان واحد
كل الوصفات →