→ كل الوصفات

ساليزون الأقماع او معجنات او القراطيس... الاسم اللي تحبوه

احلى حاجة في العشا دائما المعجنات المخبوزة في البيت ساخنه و طازجة و في الجو دة تحسسنا بدفا..قراطيس الساليزون بحشوات مختلفه

  • 1 كوب لبن بودرة
  • 2 كوب ماء دافئ
  • كيس خميرة
  • معلقتين سكر
  • 1/2 كوب زيت
  • 4 كوب دقيق..ممكن نحتاج نص زيادة على حسب نوع الدقيق
  • معلقه ص ملح
  • معلقه ص بيكنج بودر
  • الحشو اختياري
  • كوكتيل اجبان
  • تونه مع مايونيز و زيتون
  • قشطة
  • ومربى
  • انت و ابداعك و امكانياتك
  1. في وعاء نضع كوب اللبن مع 2كوب ماء دافئ و الخميرة والسكر ونضرب كويس ونسيبهاتخمر عشر دقائق
  2. بعد ما تتفاعل الخميرة نضيف الزيت و الدقيق و الملح و البيكنج..و نعجن كويس جداً مدة لا تقل عن عشر دقائق و مسيرها تختمر ساعة
  3. نحضر الحشوات..انا خلطت جبنة كريمي على قريش على 4مثلثات لافاجكيري و قسمتهم اتنين..جزء بالزيتون و جزء بالبقدونس...و عملت تونه و مايونيز و ذرة صفرا و ليمون..و الحلو قشطةةوومربي..ممكن شوكولاته اللي تحبيه..و لتحضر كيس حلواني أو بلاستيك و نحط الحشو..و الاقناع تحضرها هنلف عليها القراطيس..من عند بتوع مستلزمات الحلويات و مش غاليه
  4. هنفرد العجينه و نقطعها شرائط رفيعه طولية ونلفها على القرطاس المعدن و نحطها في صينية خبز على ورق زبده و نخبزها وتطلع باللون الذهبي دة
  5. مسيرها تبرد و نغطيها بفوطة نضيفه و تبدء تحشى الحشوات بتاعتنا و نرصها في الطبق التقديم حلو جداً للعشا أو الفطار مع كوب الشاي..جربوها هتعجبكم
عجبتك الوصفة؟
شوف كل وصفاتنا في مكان واحد
كل الوصفات →