→ كل الوصفات

ساندوتشات الشاورما الخطيرة 😋

#ابدع_واقتصد ساندوتشات شاورما فراخ بتتبيلة مميزة جدا وخطيرة بشهادة كل اللي داقها بفضل الله ♥️ طبق رئيسي مع سلطة التومية و الميني بيتزا 🍕 والبطاطس المحمرة و الكاتشب جربوها بطريقتي يارب تعجبكم و بمكونات من البيت 👌

  • كيلو صدور فراخ
  • 2 بصلة كبيرة
  • 1 طماطم
  • 3 فص ثوم
  • علبة زبادي
  • 2 م ك كاتشب
  • 1 م ك مستردة
  • عصير برتقالة صيفي او بلدي وسط
  • عصير ليمونة 🍋
  • 2 م ك خل
  • البهارات الخاصة بيها 👇
  • 1 م ص سماق
  • 1/2 م ص فلفل اسمر
  • 1.5 م ص ملح
  • 1 م ص سكر
  • 1.5 م ك بهارات شاورما من العطار او متكونة في البيت ودي اساسية
  • 1/2 م ص شطة لو حابينها سبايسي
  • الخضار 👇
  • 2 حبة بصل جوليان مفروك بربع م ص سماق ومتروك جانبا
  • شرايح فلفل الوان
  • شرايح فلفل أخضر
  • بقدونس مفروم حسب الرغبة (أختياري)
  • طماطم شرايح حسب الرغبة (أختياري)
  1. بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا ❤️
  2. في الكبة نضع البصل و الطماطم و الثوم و معلقتين ماء ليساعدها على الضرب ونضرب جيدا
  3. نصفي الخليط للحصول على الماء فقط
  4. في بولة نضع ماء البصل و الطماطم و الثوم ونضيف ليهم عصير البرتقالة والليمون والخل والزبادي والبهارات كلها والكاتشب والمستردة ونقلب ونظبط الملح
  5. نضيف ليهم قطع الدجاج ونت كها ليلة كاملة في التلاجة
  6. التسوية 👈 في طاسة سخنة جدا نضيف م ك ذبدة و م ك زيت وفصين مستكة وندى للفراخ صدمة و الخطوة دي مهمة عشان بتساعد ان الفراخ تفضل جوسي من جوة ومتنزلش مايتها
  7. بمجرد ما تاخد الصدمة نضيف ليها بصل جوليان مفروك بشوية سماق صغيرين ونقلبة تقلبتين ثم شرائح من الفلفل الألوان والاخضر ونقلب ونهدي النار وتمتزج كل المكونات معا وتاخد الطعم اللذيذ وتقدم بالف صحه وعافيه يارب ❤️
  8. ملحوظة 🤓 ١ - عصير البرتقال طعمة مش بيبان بس بيديني نكهة مميزة وعرفتها من شيف تركي 🙈😉 ٢- ممكن إضافة البصل حسب الرغبة وممكن من غير بصل اثناء التسوية بس البصل بيدي طعم بردو.. ٣ - ممكن إضافة قطعة من اللية الضاني اثناء التسوية وبردو حسب الرغبة كذا مطعم شوفتو بيعملها كدة وبيقدمها كدة 🙈 بس انا محطتهاش انا بقول المعلومة كاملة وكل واحد زي ما بيحب يعمل ♥️👍 جربوها بطريقتي يارب تعجبكم 🌹
  9. أخيرا اللهم أغفر لجدتي وأجعلها من أهل الفردوس الأعلى من الجنة يارب ❤️
عجبتك الوصفة؟
شوف كل وصفاتنا في مكان واحد
كل الوصفات →