→ كل الوصفات

ساندوتشات شاورما صاج ♥

طريقة عمل ساندوتشات شاورما صاج ♥ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو صدور فراخ
  • بصلاية كبيرة او بصلتين
  • 2 حبات فلفل الوان وفلفل حار
  • كوباية زبادي
  • فص ثوم
  • خل
  • ليمون
  • ملح وفلفل اسود حسب الرغبة
  • بهارات مشكلة
  • رشة جوزة الطيب
  • جبنة رومي مبشورة
  • مكعبات لحم طماطم
  • كوباية زبادي
  • مايونيز
  • فص ثوم
  • ليمون
  • رشة ملح
  1. هنجيب بولة نحط فيها الزبادي ومعلقة صغيرة من الملح والفلفل والبهارات وجوزة الطيب وفص ثوم ومعلقة خل ولمونة ونقلبهم وننزل بالفراخ المتقطعة شاورما ونقلب ونسيبها شوية
  2. هنجيب البصلتين نقطعهم جوليان ونقطع الفلفل والطماطم صوابع ونتركهم
  3. هنجيب طاسة ونسخنها جامد وننزل بالفراخ ومنقلبش عشان متنزلش مايتها.. ونبدأ نشوحها لحد ما لونها يتغير وننزل بالبصل.. ولحد ما تستوي ننزل بالفلفل الالوان ونقلبهم تقليبة خفيفة عشان الفلفل مايدبلش اوي ونقفل عليها
  4. الثومية بقى.. هنجيب بولة صغيرة ونحط ثلاث ملاعق زبادي على ثلاث ملاعق مايونيز.. لازم نحط الزبادي اد المايونيز.. ورشة ملح وفص الثوم ونعصر ليمون ونقطة خل ونقلب كويس.. احلى تومية سريعة وروووعة
  5. هنجيب عيش الصاج نفرده ونحط ملعقة تومية ونفردها في نص الرغيف بس قريب من الطرف شوية ونحط الشاورما وفوقها طماطم والفلفل الحار حسب الرغبة ونرش رشة الجبنة الرومي ونلم الرغيف من الجنب الشمال ونلم من اليمين وندوس كويس ونقفله روول ونروح على طاسة ممسوحة بزيت ودقيقة على كل جنب ياخذ لون ويقرمش والف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →