→ كل الوصفات

ساندوتشات فينو المحشية

#المريول_العالمي استخدمت ٢ مكون سمسم والجبنة بيضاء

  • 1 م ك خميرة
  • 3 م ك سكر
  • 1/4 كوب زبدة سايحة
  • 1 بيضة (هنفصل بياض عن صفار)
  • 1 م ك خل ابيض
  • 1/4 (1 كوب) ماء دافي
  • 4 أكواب دقيق
  • 1/4 م ص ملح
  • 3 م ك سمسم
  • قالب جبنة بيضا للحشوة
  • 1/2 كوب زيتون وسوسيس مكعبات
  • معلقتين لبن
  1. في بولة هنحط ملعقة كبيرة من الخميرة و٣ ملاعق كبيرة من سكر وربع كباية زبدة سايحة وبياض بيضة ومعلقة كبيرة من خل الابيض وكوباية وربع ماء دافي ونخلط بالمضرب اليدوي المكونات مع بعض
  2. ننزل ب ٤ أكواب من دقيق وربع ملعقة صغيرة ملح وبايدي بدأت ألم العجينة لغاية مانوصل لعجينة متماسكة
  3. في حالة حسيتي انها متماسكة بس ناشفة زودي معلقتين او ٣ ماء علشان العجينة تكون طرية ونلمها تاني
  4. وعلى الرخامه او مفرش العجينة سيلكون بدأت اعجن العجينة بايدي كويس جداً لمده ١٠ دقائق
  5. وبعدين نغطيها ونسيبها تختمر لمدة نص ساعة اذا الجو حر واذا الجو البرد ممكن نسيبها ساعة عادي
  6. نجيب العجينة ونقطعها ل ١٥ كورة حجمهم قد بعض علشان يكون حجم ساندوتش بتاعك وممكن تقسميها لاكتر من كده براحتك بحيث يكون الحجم ساندوتش اصغر
  7. بقيت امسك كورة كورة وأفردها عادي واحط عليه ملعقة جبنة بيضا واقفلها بايدي من فوق واظبط شكلها وارصصها في صينية عليها ورق زبدة ودهنت انا ورق زبدة طبعاً كل واحد على حسب نوع فرن وورق زبدة حشيت مجموعة بالجبنه بيضا سادة او جبنة مقطع عليها سوسيس وزيتون أهم حاجه الحشوة ماتكونش سائلة علشان ماتخرمش العجينة وتخليها تتقطع
  8. ونسيبها تتخمر ١٥ دقيقة وفي بولة اخلط صفار ومعلقتين من لبن ونقطه من الخل الابيض وبدأت ادهن بيهم وجه العيش وبالسكينة حامية بدات اعمل شرط على وجه العيش ورشيت سمسم على وجه
  9. دخلته الفرن ساخن على درجة حرارة ١٨٠ حوالى ٢٠ دقيقة أول لما يطلعوا من الفرن بخاخه ماء نرش عليهم ونغطيهم لمده ١٥ دقيقة وبألف هنا ❤
عجبتك الوصفة؟
شوف كل وصفاتنا في مكان واحد
كل الوصفات →