→ كل الوصفات

ساندوتش برجر مع صوص التكساس😋💓🍔

أحلى وأسهل طريقة لعمل البرجر🍔 وصوص تكساس من أحلى الصوصات إللي ممكن تستخدميها مع ساندوتشات البرجر بجد طعمه حلو أوي وهمي🤩

  • لعمل البرجر نحتاج
  • 1 كيلو لحمة مفرومة
  • 2 كيس بهارات برجر
  • 2 ملعقة كبيرة بقسماط ناعم
  • 1 بيضة
  • 1/2 ملعقة صغيرة فلفل اسود
  • 1/2 ملعقة صغيرة ملح
  • عيش برجر جاهز
  • كمية من الخس
  • 2 طماطم
  • 2 خيار
  • حلقات من البصل
  • جبنة شيدر
  • صوص تكساس
  1. أولاً لعمل البرجر بتجيبي طبق غويط وحوطي فيه اللحمة المفرومة وبهارات البرجر والبقسماط والبيضة والملح والفلفل وأخلطيهم مع بعض كويس جداً 😍
  2. لو عندك مكبس البرجر اعملي فيه ولو معندكيش هتجيبي غطا علبه مناسب وحوطي فيه كيس ثلاجة اقطعي كيس الثلاجة بحيث يكون مربع وحوطي كيس الثلاجة في غطا العلبه وبعد كدة خودي كميه من اللحمة وشكليها زي البرجر وبعد كدة لفي الكيس على البرجر 😍
  3. خلصي بئا كل كمية البرجر واحتفظي بيه في الفريزر لحد لما تعوزي تستخدمية ولو هتعملي منه على طول حوطيه 10 دقائق في الفريز الأول وبعدين حمرية في المقلاية او اشوية على الجريل😍
  4. نحضر بئا الساندوتش الجبار🍔 جيبي واحد من عيش البرجر وبعدين حوطي صوص التكساس وبعدين حوطي البرجر المتحمر وعلية الجبنة الشيدر وحوطي بئا الخس والخيار والبصل والطماطم ولو عايزة الجبنة تسيح حبة بعد لما تحمري البرجر حوطي قطعه من الجبنه فوق البرجر في المقلايه الأول وسيبيها دقيقتين وبعدين طلعي البرجر وحوطيه في الساندوتش😍
  5. قدمي بئا الساندوتشات بعد كدة 🍔وبعدين عصير حلو🥤ولادك هيشكروكي عشان جبتلهم المطعم لحد البيت🤩جربي بئا الوصفة وقوليلي رأيك وبالعافيه عليكى حبيبتي 😘💓🌹❤️
  6. ودا شكل صوص التكساس😋😋😋😋😋😋😋
  7. 😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →