→ كل الوصفات
#مريولي_باسمي #مايونيز #دجاج_مفروم #العودة_للمدرسة
المقادير
- كاس ماء دافئ
- علبة يارورت طبيعي
- م ك سكر
- م ك خميرة الخبز
- نصف كاس زيت
- 3كأس فرينة
- الحشو
- نصف صدر دجاج مفروم
- حبة بصل صغيرة
- 3 سنات ثوم
- م ص ملح
- م ص فلفل اسود
- م ص زنجبيل
- م ص عكري حلو
- جبن طري
- علبة مايونيز
طريقة التحضير
- نبدا بسم الله ونجيب رسبسيون نحط فيه كاس ماء دافئ. نضيف علبة يارورت طبيعي ونضيف م ك سكر وم ك خميرة الخبز ونخلط مليح ثم نضيف نصف كأس زيت ونخلط جيدا
- نضيف بعد ذلك 3 كأس فرينة تدريجيا وم ص ملح ونلم حتى نتحصل على عجينة طرية
- نلم العجينة ونغطيها بورق شفاف ونخليها تختمر مليح
- بعد ما اختمرت العجينة نهبطلها الخمور ونحطها على سطح العمل نكون رشيتز بالفرينةوندلكها ثم نقطعها الى 8قطع
- نشكل القطع الى كرات ونغطيهم ونخليهم يرتاحو حوالي 10 د ثم نرجع الكرة الاولى نرش سطح العمل بالفرينة ونحلها بالحلال ثم نبدا نلف ونشكل حربوش ونغلق من تحت العجينة الزائدة ونجيب سينية نحط فيها ورق طهي ونحط حبات الخبز ونترك مسافة بين كل قطعة واخرى
- نكمل بنفس الطريقة ونغطي السينييات ونخليهم يختمرو مجددا حوالي سا حتى يتضاعف حجما مليح ثم نجيب سكين ونعمل خط فالجنب وندهن الحبات بالماء فقط
- نرجع للحشو نجيب نصف صدر دجاج نغسل. مليح ونقطعو ونرحيه فالاشوار
- ثم نجيب حبة بصل نقطعها رقيق مع سنات ثوم ونجيب مقلاة نحط فيها 2م ك زيت ونحطها عالنار كي تسخن نضيف البصل ونخليه يتقلى مليح
- نضيف الدجاج المفروم ونقلي مليح ونضيف ملح وفلفل اسود وعكري حلو وزنجبيل ونقلي حتى يطيب الدجاج مليح ثم نطفي النار ونفرغ الحشو في صحن وفي صحن آخر نقطع 2حبات بطاطا ونقليها فالزبت
- نفرغ البطاطا المقلية في صحن ونجيب علبة مايونيز
- بعد ماطاب خبز صامولي نخرجو من الفرن ونغطيه بطرشونة وهو ساخن ثم نجيب سكين منشاري ونقطعو
- نجيب كمية من الجبن الطري ونطلي أسفل قاعدة الخبز ونضبف كمية من البطاطا ثم كمية من الحشو ثم نجيب كيس حلواني نفرغ فيه كمية من المايونيز ونشكل خطوط من فوق ونغلق حبات الخبز
- فالاخير نقدم ساندويتشات خبز الصامولي مع حساء الخضار كما يمكن تحضير هذه الساندويتشات لاطفالنا بمناسبة عودتهم المدارس فالبيت بطريقة امنة احسن من شرائها من محلات الاطعام
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد