→ كل الوصفات
شاورما الدجاج من الأكلات البسيطه في التحضير واللذيذة في الطعم وفعلاً لما جربتها في العيش السوري طعمها بجد حلو أوي👌 وحطيت معاها التوميه طبعاََ والخيار المخلل بجد وهميه 🤩
المقادير
- 1/2 كيلو صدور فراخ مقطعة شرائح رفيعة
- 1 بصلة كبيرة مبشورة
- 1/4 ملعقة صغيرة ثوم مهروس
- 1 علبه من الزبادي
- 3 ملاعق كبيرة خل
- 1 عصير ليمونة
- 1 ملعقة صغيره ملح
- 1/2 ملعقة صغيرة فلفل اسود
- 1/2 ملعقة صغيرة بابريكا
- 1/2 ملعقة صغيرة قرفه
- 1/2 ملعقة صغيرة بهارات فراخ
- 3 ملاعق كبيرة زيت
- 1 ملعقة كبيرة ذبدة
- عيش سوري
- توميه
- خيار مخلل
طريقة التحضير
- أولاً نغسل الفراخ كويس جداً بالماء والخل والملح والليمون وبعدين نصفيها من الماء 😍
- جيبي طبق غويط وحوطي فيه الزبادي والبصل والثوم والخل والليمون والملح والفلفل والقرفة وبهارات الفراخ والبابريكا وقلبيهم مع بعض كويس وبعد كدة ضيفي الفراخ وقلبيهم مع بعض وبعدين حوطي الفراخ في الثلاجة لمده ساعتين ولو سيبتيها اكتر بتكون أحلى 😍
- بعد لما الفراخ اتشربت التتبيله كويس جيبي مقلايه وحوطي فيها حبة زيت وملعقه ذبدة ولما تسخن حوطي الفراخ وسيبيها لحد لما تستوي وبعد كده شيليها من على النار 😍
- جيبي بئا العيش السوري وحوطي فيه توميه وخيار مخلل وبعد كده حوطي الشاورما ولفي العيش السوري على الشاورما😍
- ممكن تحوطيها على الجريل او على الطاسه تاخد لون من الجانبين واقسمي العيش نصفين وقدميه بعد كده 🌯مع بطاطس محمرة🍟 وبعد كده عصير منعش حلو 🥤وأستمتعي بئا بالطعم الجبار 🤩وبالعافية عليكي حبيبتي 😘😘😘😘😍💞💓
- ودي طريقة التومية لو عايزة تجربيها👇😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد