→ كل الوصفات
#الشيف_الذهبي ساندويتش خفيف ظريف يليق في فصل الصيف نتمنى تعجبكم الطريقة
المقادير
- بالنسبة لخبز الساندويتش
- 350 غ فرينة (الفرينة تبقى على حسب أفراد العائلة)
- ملعقة كبيرة خميرة الخبز
- ملعقة كبيرة سكر
- ملعقة كبيرة حليب بودرة
- 2 ملاعق كبار زيت الزيتون
- الملح حسب الذوق
- ملعقة صغيرة خل
- الماء دافيء
- القليل من السميد الرقيق (الرطب) باش نقرصو الخبيزات
- الحشو
- قطع صغيرة صدر دجاج مقطع
- علبة يايرت طبيعي
- ملعقة كبيرة موطارد
- الملح
- فص ثوم مرحي أو نص ملعقة صغيرة ثوم بودرة
- التوابل: (فلفل أسود، الطحميرة، الكركم، سكين جبير، توابل الشاورما، الكاري)
- المرافقات
- بطاطا مقلية على شكل مربعات
- سلاطة ورقية (خص)
طريقة التحضير
- كمرحة أولى نبدي بخليط الدجاج نحضر قطع الدجاج ونضيف عليها التوابل وعلبة اليايورت الطبيعي والموطارد والملح والثوم ونخليهم يترقدو بجيه، يجب أن يرتاح في الثلاجة على الأقل 3 ساعات وإذا كان عندك الوقت ليلة كاملة
- بالنسبة لخبز الساندويتش نحط في إناء الفرينة والخميرة والسكر والحليب بودرة والملح حسب الذوق وزيت الزيتون ونلمو بالماء دافيء فيه مغيرفة صغيرة خل ونلم حتى نتحصل على عجينة متماسكة
- بلا ما ندلكوها غي نلموها ونخليها تخمر للمرة الولى ونهبط الخمور مرتين (كي نهبط الخميرة تعادل الدلك) والمرة الثالثة نخليها تخمر ونخدم بيها
- كي خمرت قطعتها على 3 قرصات متوسطين بمساعدة السميد الرقيق (الرطب)، قرصتهم بالحلال وقسمتهم على زوج وحطيتهم في صينية الفرن فيها ورق الزبدة غطيتهم وخليتهم يخمرو مدة 10 د
- سخنت الكوشة جيدا وكي دخلت الصينية طفيت من تحت وشعلت من فوق كي يتحمر نقلبو الخبيزات والصينية تكون في الرف ما قبل الأخير (في الأسفل)
- كي طابو حطيتهم فوق شباك باش ما يتنداوش عاد درتهم في الطبق فيه سربيتة
- كي كان الخبز في الكوشة درت الزيت في المقلة حتى سخنت مليح مليح ورميت الدجاج وخليتو طاب على خاطرو
- التركيب: حليت الخبز بالمقص درت بطاطا مقلية على شكل مربعات ودرت السلاطة الورقية وزدت قطع الشاورما ما درت حتى صلصة مكانش عندي (مع ذلك الدجاج جاء رطب وماشي ناشف قاع)
- ويقدم بالصحة ولهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد