→ كل الوصفات
بصوا بقي وصفه سهله جدا جدا وبسيطه وطعم يجنن بما اني في بيت الحاج والحاجه قلنا نغير ونعمل حاجه بس طالما دخلتوا وقراتوها ادعولي يكمل حملي على خير دعوه غائب هتفرق كتير وياسلام لو دخلتوا بروفايلي وتابعتوني
المقادير
- 6 خبز اسمر, او اللي تفضليه
- 200 غ جبنه رومي, وتبشريها
- 2 طماطم, وتقطعيها مكعبات
- 2 قرن فلفل حار, ودا اختياري
- قليل زيت
- شطه
- فلفل
- بهارات
طريقة التحضير
- اول حاجه هاتي مقاديرك حطيها على بعض وقلييها على النار بالزيت والبهارات
- تاني حاجه حطي مقاديرك في الرغيف وطبقيه
- طبقيه كمان من الناحيه التانيه
- طب اقولك طبقيه كمان يعني طبقيه من كل الجوانب
- خلاص معتش تتطبيق دا شكله
- طب بعد كده, هتجيبي طاسه فيها زيت سخن, بس مش كتير, وتحطي العيش وتحمري. هتلاقي الجبنه ساحت
- حاجه بسيطه للناس البسيطه,وبالف هنا لو جربتوها هتعجبكوا موت
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد