→ كل الوصفات
#عشاق_المعكرونة
المقادير
- كيس معكرونة
- لسلق المعكرونة
- ماء
- ورشة ملح
- ومعلقة زيت قلي
- لقلي المعكرونة
- مكعب ماجي
- 1/2 مكعب زبدة او ملعقة كبيرة سمنة
- للكانتون
- 3 صدور دجاج مسحبة ومقطعة مربعات صغيرة
- بهارات للسفاين
- رشة كبيرة طحين
- ورشة كل من
- ملح وفلفل وبابريكا وكاري وبهارات السبع
- 3 حبات جزر مقطعة شرائح
- 1 بصلة مقطعة شرائح
- رشة ملح
- معلقتين زبدة او سمنة
- 1/2 حبة فليفلة ملونة حمرة وخضرة وصفرة
- صوص الكانتون
- 4 ملاعق صويا صوص
- 8 ملاعق كاتشب
- 1/4 كاسة ماء
طريقة التحضير
- بغلي الماء وحطلها الملح وبس تغلي بحط المعكرونة وبحط فوقها الزيت وبتركها تقريباً عشر دقائق او اقل حسب نوع المعكرونة
- بجهز الكانتون بقطع البصلة شرائح وبقليها بالزبدة وبس تتحمر بكون قطعت الفليفلة والجزر شرحات وبحطهم فوقهم وبحط فوقهم الصويا والكاتشب وبحركهم جيداً
- بقطع السفاين وبحط عليهم البهارات والطحين وبحركهم وبقليهم بالزيت وبس يتحمرو بحطهم فوق صوص الكانتون وبحركهم
- بتكون المعكرونة استوت بصفيها من الماء وبحطلها زبدة والماجي وبحركهم ليدوب الماجي بحط فوقهم صوص الكانتون وبحركهم وبقدمهم
- كتير زاكية وصحتين وعافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد