→ كل الوصفات

سبانخ مطبوخه ولحمه وشوربه وأرز أبيض

طريقة عمل سبانخ مطبوخه ولحمه وشوربه وأرز أبيض سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو لحمه بقرى أو ضاني
  • 1 عدد بصله متوسطه
  • ورق لاورا
  • حبهان
  • ملح وفلفل اسود حسب الرغبة
  • 1/2 كيلو سبانخ
  • 1/4 حزمه كسبره خضرا
  • 1 عدد بصله متوسطه
  • 2 معلقه كبيره أرز مغسول
  • 8 فصوص ثوم
  • 6 عدد طماطم
  • 1 معلقه كسبره ناشفه
  • سمنه أو زيت
  • 2 كوب أرز
  • 2 كوب ماء
  • ملح
  1. لعمل اللحمه في حله على النار هنضيف الماء وننزل بالحمه وبعدين ننزل ببصله وبعدين ننزل برشه فلفل أسود وبعدي رشه ملح حسب الرغبه واتنين حبهان واتنين ورق لاورا ونسبهم يستوي وكل مالماء ينشف نضيف له ماء ساخن تاني لحد ما اللحمه تستوي الطبيعي ساعه
  2. أثناء سلق اللحم نجهز السبانخ ونقي منها ماهو غير جيد وكذلك الكزبرة هننقعهم في مياة ونغسلهم كويس وبعدين نخرطهم حوالي اتنين سم وبعدين نحطهم في مصفاه في حله على النار هنضيف معلقه سمنه ومعلقه زيت ونضيف لهم البصله المفرومه ونقلب لحد لما تصفر وبعدين نفرم الطماطم في الخلاط وننزل عليهم بعصير الطماطم ونضيف رشه فلفل أسود ورشه ملح ونسبهم يتسبكم شويه
  3. بعد ماالطماطم تتسبك هنضيف لهم السبانخ مع التقليب ونضيف كوب من مرقه اللحمه اللي عملناها ونسبهم خمس دقايق ونغسل الأرز كويس ونضيف رشه أرز على السبانخ حوالي معلقتين كبار ونقلبهم ونغطي على السبانخ شويه حوالي ربع ساعه
  4. أثناء تسويه السبانخ في طاسه صغيره هنضيف معلقه سمنه نحمر الثوم مع الكسبره الناشفه
  5. بعد محمرنا الثوم هنفتح على حله السبانخ ونشيل اللحمه من الشوربه ننزلها في السبانخ وبعدين ننزل بتحميره الثوم على السبانخ ونقلب وتغلي غلوه ونطفي عليها وبالهنا والشفا
  6. لعمل الأرز في حله على النار نضيف لها معلقه سمن مع شويه زيت ونضيف لهم ٢ كوب ماء يغلي الماء وننزل بالأرز وبعد مايتشرب الماء نوطي عليه شويه حتى تمام السوي
عجبتك الوصفة؟
شوف كل وصفاتنا في مكان واحد
كل الوصفات →