→ كل الوصفات

ستراغنوف الدجاج بالبابريكا

طريقة الشيف shef mostafa ..بس اكلة كتييير كتيير طيبة جربوها ماحتندمو ..للي بحب يغير بالاكل.يسلموو شيف

  • كيلو سفاين, مقطعة شرحات
  • كوب ونص كريمة طبخ, جاهزة, او منزليه
  • علبه فطر, 400 غرام, شرحات
  • حبتين فلفل اخضر (فليفلة حلوة)
  • قرن فلفل, حار, مقطع
  • شرحات بصلة, كبيرة, مقطعة
  • كوب مرق دجاج
  • معلقتين زبدة
  • معلقتين زيت زيتون
  • معلقتين خل
  • معلقتين طحين
  • ملح
  • فلفل اسود
  • معلقتين بابريكا
  • رشة ثوم, بودرة
  • بصل, بودرة
  • 3 كو ارز بالشعيرية, للتقديم
  1. اول شي, منقطع السفاين والفليفلة والبصل شرحات طوليه. منتبل بصحن على جنب السفاين بملح وفلفل وبابريكا
  2. نضعهم بالطنجرة على النار بزيت زيتون. بس يحمى, منقلب السفاين شوي لياخدو لون. بنحط معلقتين طحين, بعدها البصل ومنقلب ليبلش يستوي
  3. منقلب كتير منيح. بعدها كوب المرق ومنتركهم تتسبك دقيقتين
  4. بعدها الفطر ومنقلب. ومنحط الزبدة وملح وفلفل ورشة صغيرة بهار مشكل ومعلقتين بابريكا والثوم والبصل بودرة. ومنقلب كتير منيح. ومنضيف الفليفلة, ثم الخل ليعطي حموضة للكريمة
  5. بعدين كريمة الطبخ الجاهزة اوالمنزليه ومنتركهم يتسبكو اربع خمس دقائق. ومنحطلهم رشة ملح وفلفل صغار ليبرزو النكهة. ومنطفي تحتها. وتقدم مع الارز بالشعيرية
  6. ملاحظة : انا استخدمت الكريمة الطبخ المنزليه صنع يداي. وسانزلها في وصفاتي بعد قليل ان شاءالله. بتمنى تجربوها اكلة فخمة وطيبة كتير. احلى شي انها عجبت زوجي واولادي بشكل مش طبيعي
عجبتك الوصفة؟
شوف كل وصفاتنا في مكان واحد
كل الوصفات →