→ كل الوصفات
ستربس الدجاج المقرمش الكل يحبه كبار وصغار أوفر وأنضف ويعمل معاكي كمية كبيره بأقل من نصف تمن الاستربس الجاهز النصف مقلي
المقادير
- 2 صدر دجاج مخلي مغسول جيداً
- ملح وفلفل اسود
- بابريكا
- ثوم بودر
- بصل بودر
- شطه
- كمون
- عصرة ليمونة
- كوب دقيق مع نصف كوب نشا
- خلطة بقسماط جاهز مطحون
- ½ كوب لبن مع نصف كوب ماء
- زيت للقلي
طريقة التحضير
- تقطع صدور الدجاج لشرايح سميكه وزي بعضها وده مش بانيه لازم يكون صدور عشان القطعة تكون مليانه وحلوة ومتتحرقش منك وتكون مقرمشه من بره وطريه من جوة
- تتبل الفراخ بجميع التوابل السابقه
- يوضع في وعاء الدقيق مع اللبن والماء وعصرة ليمون ورشة ملح وفلفل اسود ليصبح عجين سايل الي حد ما نفس قوام عجين الكيك مثلا ثم يوضع فيها شرايح الفراخ وتقلب جيداً
- في وعاء آخر يوضع خليط من الدقيق والنشا وخلطة البقسماط الجاهز المقرمش وممكن نستبدله بكورن فليكس إن وجد
- نخرج شرايح الفراخ من الخليط السايل ويغمس في الخليط الجاف بالشكل ده
- ممكن نسيبها تتماسك شويه في الثلاجة وبعدين نقليها في زيت غزير لما يبقى لونها ذهبي
- ونقدمها في أجمل ساندويتش مع كاتشب ومايونيز سواء عيش سوري أو فينو زي ماتحبي وممكن تتاكل جنب معكرونه سباغيتي
- وده القلب طري من جوه ومقرمش من بره وبألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد