→ كل الوصفات
#فريق_الأمل في منزل مدام أمل منير،
المقادير
- 1 كيلو فراخ بانية صدور
- 1 علبة كريمة الطهي
- 1 بصله كبيرة
- 1 علبة مشروم
- 1 ملعقة كبيرة زبدة وزيت
- 1 ملعقه صغيرة فلفل اسود
- 1/2 ملعقه قرفة مطحونة
- 1/2 ملعقة سماق
- 1/2 ملعقه بابريكا
- 1/2 ملعقة فلفل ابيض
- 4 ورقات لوري او مطحونه
- 1 مكعب مرق دجاج
- 1 كوب جبنة موتزريلا
- 1 ملعقه كبيرة صويا صوص
- 1 ونص ملعقه كبيرة دبس الرمان
طريقة التحضير
- هانضيف الزبدة والزيت في وعاء قابل للدخول في الفرن وعلي النار فوق هانحطهم وننزل عليهم بالبصل الجوليان ونقلب حتي الاصفرار وممكن نرش شعره ملح للبصل ونقلب كويس
- ننزل بقي عليهم بالفراخ المغسوله بالخل والليمون ونشوحها مع البصل ونبدأ نضيف جميع البهارات السابقة
- لو المشروم طازج هاتنزليه قبل الفراخ ولو معلب هاننزل بيه بعد الفراخ لانه بيكون مستوي وبعد ما نضيف المشروم والبهارات نغطي عليهم لمدة ربع ساعه حتي تمام الطهي
- نبدأ بقي نضيف الكريمة و الصويا صوص ودبس الرمان ونقلب ونغطي عليها لمده ١٠ دقايق تتشرب الفراخ الكريمة وآخر مرحلة هانضيف الجبنة الموتزريلا وندخلها الفرن لمده ١٠ دقايق لحد ما تاخد اللون الذهبي
- وبالهنا والشفا مقدمة مع رز بسمتي او معكرونة حسب الرغبة وبطاطس محمرة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد