→ كل الوصفات
طبعآ لآن في كتير ناس مبتحبش الكبده و انا الحقيقه كنت منهم جربت طرق كتيره للتحضرها و محبتش آي طريقه منهم بصراحه لحد ما الطريقه دي خلتني استطعم الكبده بمزاق مختلف و متخفي في نفس الوقت و اهو قدرت استفيد من فوائدها الكتيره بآكلي ليها و حبي فيها حاليآ و ليس من قبل
المقادير
- 1 كيلو كبده بانيه
- 3 ملعقه معجون طماطم
- 1 ملعقه معجون شطه
- 1ملعقه كاري
- 1ملعقه كركم
- 1 ملعقه ثوم بودر
- 1 ملعقه بصل بودر
- 1 مرقه دجاج فوريه
- 3 ملعقه خل آبيض
- 1 ملعقه مسترده
- 1/2 ملعقه فلفل آسود
- 1 ملعقه كمون
- 1 ملعقه جنزبيل بودر
- ملح "حسب الزوق"
- 1 عصير ليمونه
- 3 ملعقه طحينه
طريقة التحضير
- هنجيب الكبده و ننقعها في لبن عشان السموم الي بتبقي فيها
- بعد كده هنجيب كل المكونات بتاعه التدبيله و هنخلطهم مع بعض في بولا
- هنجيب الكبده البانيه و نتبلها و نتركها في التدبيله من ساعتين لتلاته او لو مستعجلين يبقي في ساعتها عادي بس و احنا بنشويها هنحطها بتدبيلتها و الكبده دي تفضل تكون قطع كبيره مش صغيره عشان هي كده كده بتكش هي مش هتفرق حاجه في السوا بس هو الشكل مش اكتر
- بعد ما تتبل نجيب بقي الجريل او الي بتستخدميه في الشوي و تدهنيه زيت و تحطي الكبده و تخلي بالك منها عشان مش بتستحمل النار الكتيره
- و في حاله اننا نقعناها في اللبن ينفع نسويها نص تسويه مش هتبقي ضاره خالص
- لتحضير الصوص هنجيب مقلاه و نحط فيها الطحينه و ملعقتين خل و نزودها مايه سوخنه حوالي كوبايه و نظبط ملحها مع رشه فلفل خفيفه و نقلب حتي يسمك
- في طبق التقديم بقي نحط الستيك و علي الوجهه و نضع صوص خفيف و الباقي في بولا صغيره او طريقه اخري عندما يكون الصوص علي النار نحط فيه الستيك و دقيقتين و يغرف ثم يقدم
- و بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد