→ كل الوصفات

سردين مشوي 🐟مع بطاطا مقلية 🍟

#المريول_السوبر #سمك (سردين) #بطاطاس اللهم صلِّ وسلّم وبارك على سيدنا محمد 🌷حبيت نشارك معاكم اليوم طبق من خيرات البحر 🐟❤️ سردين مشوي على الفاخر (المجمر)، بنكهته الأصيلة وريحته اللي تفتح النفس وتفكرنا بلمة العائلة والأجواء الجزائرية الجميلة 😍 السردين🐟 من الأسماك الدهنية الغنية بالعناصر الغذائية، مثل البروتينات والفيتامينات والمعادن، ويحتوي على أحماض أوميغا 3 المفيدة لصحة القلب والأوعية الدموية، شويته على المجمر عطاه نكهة خاصة لا تُقاوم، وجاني بزاف😋🐟😋 بنين، أمسية سعيدة أحبتي🥰، ربي يدوم المحبة واللمة والبركة في دياركم 💐🌷💐

  • 800 غ سردين مغسول ومنقي
  • الملح حسب الذوق
  • حبة بصلة مقطعة دوائر
  • 3 حبات بطاطا مقلية
  1. نبدأ على بركة الله، نشعل على الفاخر (المجمر) كنت 👈🏻حطيت الطريقــة بالتفصيــل ممكــن تفقــد النصيحة من خلال هذا الرابط👇🏻، نخلي حتى تهدا النار ويولي جمر
  2. في هاذ الوقت غسلت السردين مليح ونقيتو من الراس والأمعاء نشللو مرة أخرى ونحطو في كسكاس نضيف عليه الملح حسب الذوق ونخليه يستقطر مليح، صفت حبات السردين في الشواية كما هو موضح في الصور
  3. وبقيت نريّش ومرة مرة نرش شوية ماء على الفحم باش ما يزهرش بالنار ويحرق حبات السردين، في الشواية الثانية والأخيرة صفت فوق حبات السردين حبة بصلة مقطعة دوائر
  4. ونبقا نقلب فيه حتى يستوي
  5. وحتى البصلة تتجمر وتزيد في بنة السردين
  6. وقدّمتــو مع البطاطا مقلية 🍟محبوبة الكبار والصغار وبألف صحة وهنا 🐟😋🐟 وشهية طيبة للجميع🥰
عجبتك الوصفة؟
شوف كل وصفاتنا في مكان واحد
كل الوصفات →