→ كل الوصفات

سردين مقلي بالدرسة 🐟😋

#نعمة_جديدة اللهم صلّ وسلّم وبارك على سيّدنا محمد، حبيت نشـارك معاكـم اليـوم ضمن نعمة جديدة السردين مقلي بالدرسة قدمتو كطبق جانبي مع صلصة الطماطم بالسردين، بزاف 👌🏻بزاف بنين 😋، نتمنى تعجبكم الطريقة، أمسية دافئة أحبتـــي 🌸💐🌸

  • 800 غ سردين منقي ومغسول
  • 4 فصوص ثوم مرابي
  • التوابل نحتاج
  • ملعقة صغيرة فلفلة حمرة (بابريكا)
  • ملعقة صغيرة كمون
  • ½ ملعقة صغيرة قصبر يابس
  • ½ ملعقة صغيرة راس الحانوت
  • ¼ ملعقة صغيرة فلفل أسود
  • ¼ ملعقة صغيرة كركم
  • على راس الملعقة الصغيرة فلفل دريس (فلفل أحمر حار)
  • الملح حسب الذوق
  • 1 ملعقة كبيرة خليط بين قصبر ومعدنوس مطحون
  • 2 ملاعق كبار زيت
  • 1 ملعقة كبيرة عصير الليمون
  • 3 ملاعق كبار سميد رطب
  • كمية قليلة من الزيت للقلي
  1. نبدأ على بركة الله، أولا نغسل السردين ونقيه مليح من الأحشاء والراس نحطو في كسكاس يستقطر من الماء، في صحن حطيت التوابل (الكمون، الفلفة حمرة، الملح، راس الحانوت، القصبر يابس، الفلفل الأحمر الحار، الكركم والفلفل الأسود) مع فصوص الثو مرابي. ملاحظة: ✔نوعية السردين اللي استعملتها يسميوها اللاتشا
  2. حطيت أولا الثوم المبشور ومن فوق التوابل بعد ما خلطتهم مليح في الصحن، ثم ضفت المعدنوس والقصبر مطحونين مع 2 ملاعق كبار زيت وملعقة كبيرة عصير الليمون
  3. خلطت الكل جيدا، غطيت الإناء ببابي فيلم ودخلتو للثلاجة مدة ساعة بالتقريب باش يتشرب الدرسة مليح
  4. كي يرتاح نخرج الإناء من الثلاجة ونضيف السميد رطب ونخلط الكل جيدا ونحكم كل 3 حبات سردين مع بعض كما هو موضح في الفيديو
  5. بنفس الطريقة حتى نكمل كل الكمية اللي عندي، في مقلاة نفرغ شوية زيت نخليها تسخن من بعد نقص النار نخليها تحت المتوسط ونبدأ نحط في السردين
  6. كي يطيب من تحت ويحمار نقلبو حتى يدي لون ذهبي جميل، الحبة اللي طيب نحطها فوق الورق الماص
  7. قدمت السردين مع صلصة الطماطم بالسردين كنت 👈🏻حطيت الوصفة من قبل يمكن تفقد الطريقة بالتفصيل من خلال هذا الرابط👇🏻
  8. يجي فيه قرمشة خفيفة من الخارج وطرية من الداخل والأكيد بزاف 😋🐟😋بنين، وشهية طيبة للجميع
عجبتك الوصفة؟
شوف كل وصفاتنا في مكان واحد
كل الوصفات →