→ كل الوصفات
اللهم صلّ وسلّم وبارك على سيدنا محمد، حبيت نشارك معاكـم اليوم سردين مقلي بالسميد يجي مقرمــش مـن برا وطـــري من الداخــل والأكيد بزاف 😋 بنين 👌🏻، ولادي يحبوه بهاد الطريقة، نهاركم موفق سعيد أحبتي🌷💖🌷 #جزائرية
المقادير
- 1 كلغ سردين
- 3 فصوص ثـوم
- التوابل نحتاج
- ملعقة صغيرة كمون
- ½ ملعقة صغيرة فلفلة حمرة (عكري أو بابريكا)
- ¼ ملعقة صغيرة فلفل أسود
- ملعقة صغيرة قصبر يابس مطحون
- ملعقة صغيرة كركم
- ½ ملعقة صغيرة سكين جبير
- الملح حسب الذوق
- 4 ملاعق كبار سميد رطب
- القليل م الزيت للقلي
طريقة التحضير
- نبدأ بإسم الله، نغسل السردين جيدا ونتخلص من الراس والأمعاء نشللو ونحطو في كسكاس يستقطر مليح ونضيف عليه الملح والثوم موابي والتوابل (الفلفل الأسود، الكركم، سكين جبير، الكمون، القصبر اليابس، الفلفلة حمرة) ثم نضيف السميد الرطب
- ونقلب الكل جيدا حتى يتغطى كليا بالتوابل والسميد، ثم نقليه في القليل من الزيت قبل ما نرمي الحبة الأولى نتاكد أنو الزيت ساخن، نقليه من الجهتين ومن الأفضل كي نحيه نحطو فوق ورق ماص للتخلص من الزيت
- وقدّمتــو بألـف صحـة وهنـا😋👌🏻
- وشهية طيبة 🥰🌹❣️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد