→ كل الوصفات

سردين مقلي 😋🐟😋

#عشاء_خفيف اللهم صلّ وسلّم وبارك على سيدنا محمد، حبيت نشارك معاكـم اليوم سردين مقلي على الطريقة التقليدية مرمد في السميد يجي مقرمــش مـن برا وطـــري من الداخــل والأكيد بزاف 😋 بنين 👌🏻، نتمنى تعجبكم الطريقة، أمسيــة دافئـــة أحبتـــــي🌷💖🌷 #جزائرية

  • 700 غ سردين مغسول ومنقي
  • 3 فصوص ثـوم مبشور
  • ½ ملعقة صغيرة كمون
  • ½ ملعقة صغيرة فلفلة حمرة (عكري أو بابريكا)
  • ¼ ملعقة صغيرة فلفل أسود
  • ½ ملعقة صغيرة كزبرة يابس مطحون
  • ¼ ملعقة صغيرة كركم
  • على راس الملعقة الصغيرة فلفل أحمر حار
  • الملح حسب الذوق
  • 1 ملعقة كبيرة معدنوس وكزبرة مفروم
  • 4 ملاعق كبار سميد رطب
  • القليل ما الزيت للقلي
  • 3 حبات بطاطا متوسطة الحجم مقلية
  • ½ حبة بصل صغيرة مقطعة دوائر
  1. نبدأ على بركة الله، نغسل السردين جيداً ونتخلص من الراس والأمعاء نشللو ونحطو في كسكاس يستقطر مليح ونضيف عليه الثوم موابي والتوابل (الملح، الفلفل الأسود، الكركم، الكمون، الكزبرة اليابس، الفلفلة حمرة حلوة وحارة)
  2. ثم نضيف المعدنوس والكزبرة مفرومين نخلط الكل جيداً نغطيه ونخليه حوالى نصف ساعة يتشرب التتبيلة، في الأخير نضيف السميد الرطب ونقلب الكل جيداً حتى يتغطى كليا بالسميد
  3. نجمع كل ثلاث حبات مع بعض ونحاول نضغط مليح كما هو موضح في الفيديو، باش ما يتفتحوش عند القلي، نستفهم في صينية لتسهيل العملية
  4. في مقلاة نفرغ شوية زيت نخليه يسخن نقص للنار شوية ونبدأ نقلي، كي يتحمر من تحت نقلبو على الجهة الأخرى
  5. ومن الأفضل كي نحيه نحطو فوق ورق ماص للتخلص من الزيت
  6. وقدّمتــو مع بطاطا مقلية ومن فوق حطيت دوائر البصل وبألـف صحـة وهنـا🐟👌🏻
  7. وشهية طيبة للجميع 🐟😋🐟
عجبتك الوصفة؟
شوف كل وصفاتنا في مكان واحد
كل الوصفات →