→ كل الوصفات

سلاطة تليتلي لي دارت حالة في مواقع ورأي فيها

#مأكولات_صيفية حبيت نجربها وفعلا جات بزاف بنينة اكلة كاملة متكاملة من كلشي طعم مغاير وفنفس الوقت بنينة عملتها وفطرت بيها تشبع وتنفع👍👌لكن فضالتي تاني نهار ماحبيتش طعمها تتاكل جديدة احسن واو جربوها وردولي لخبر💋💕

  • 250 غ تليتلي
  • ملعقتين مايوناز
  • 1/2 حبة طماطم مقطعة مربعات
  • 2 فلفل حلو مشوط ومقطع مربعات
  • زيتون اخضر
  • بصلة صغيرة مقطعة مربعات
  • حبتين بيض مغلي
  • قليل من باتي كاشير
  • علبة تونة طماطم
  • ملعقة خل كبيرة
  • ملعقتين زيت الزيتون
  • ملح
  1. بسم الله الرحمن الرحيم نحط ماء مغلي فيه ملح ونضيف تليتلي ل15حتي20د يطيب وبعد مانصفيه نفرغ عليه ماء بارد ونقطرو مليح
  2. تم نضيفلو طماطم وفلفل حلو والبصل وزيتون ومن جهة نوجد لاصوص زيت وخل ومايوناز وتونة وملح نخلط الكل ونفرغو علي تليتلي ونخلط الكل تم نفرغو في صحن ونزينو بشوي تونة وزيتون وبيض والف صحة وعافية
  3. ملاحضات: اذا عملتي اعملي كمية قليلة نصف كمية 120غ لانو فيه باتي وتحسي طعمو وكانو فاسد
عجبتك الوصفة؟
شوف كل وصفاتنا في مكان واحد
كل الوصفات →