→ كل الوصفات

سلطة ارز مشكلة 😍

#وصفات_بالأرز خسارة معنديش صورة بس جربوها هتعجبكم

  • كوباية رز
  • 2 طماطم
  • 1 جزرة
  • 2 بيض
  • معلقتين ذرة معلبة
  • زيتون مقطع
  • بقدونس
  • 1 بطاطس
  • معلقتين بسلة (بازيلا)
  • تونة
  • لانشون (فراخ /لحمة) حسب الاختيار
  • رشة فلفل اسود
  • ملعقة كبيرة خل
  • زيت زيتون
  • ملعقة صغيرة نعناع ناشف
  • ملح حسب الرغبة
  • ليمون
  1. نقطع البطاطس مكعبات صغيرة و نقليها كويس مانخليهاش طرية
  2. بعدين نأخذ الجزرة ونقطعها مكعبات صغيرة و نسلقها في الماء و ملح و نسلق معاها البسلة (البازيلا)
  3. نسلق البيضتين و نقطعها مكعبات صغيرة و نقطع البقدونس رفيع و نقطع كمان اللانشون مكعبات صغيرة او شرايط صغيرة ونغسل الذرة و نصفيها و نغسل الزيتون و نصفيه
  4. نغسل الرز و نحطو على النار في كباية ماء و كباية لبن و شوية ملح لحد مايستوي و يكون مش معجن و مش ناشف
  5. بعد كل ده نأخذ الرز نغسلو من الشوائب اللي فيه و نحطو في بولة او حلة اللي هنخلط فيها
  6. نصفي الجزرة و البسلة (البازيلا) من الماء و نغسلهم كمان عشان الشوائب
  7. نصفي البطاطس من الزيت و نحطها على مناديل عشان يتشال منها الزيت كلو
  8. نضيف البطاطس و الجزر و البسلة (البازيلا) و البقدونس و نقطع الطماطم مكعبات و نضيفها على الرز
  9. بعدها نضيف بقى البيض و الذرة و اللانشون و نخلطهم مع الرز و المكونات الثانية
  10. في كباية نعصر ليمونة و نحط فلفل اسود و ملح وخل وزيت نخلطهم كويس ونحطهم على كل اللي حطيناه مع بعض
  11. و في الاخر نحط التونة عند التقديم وصحة وهنا وادعولي
  12. نسخ الرابط تمّ نسخ الرابط
  13. البريد الإلكتروني
  14. بينترست
  15. اقرأ المزيد
  16. اطبع الوصفة اطبع الوصفة
  17. انسخ النصّ انسخ النصّ
  18. أبلغ عن الوصفة
  19. شاهد أخبار وصفتك
  20. احذف
عجبتك الوصفة؟
شوف كل وصفاتنا في مكان واحد
كل الوصفات →