→ كل الوصفات

سلطة البابا غنوج المصرية

من أجمل أنواع السلطات المصرية المفيدة جدآ لينا كلنا وصحية كمان

  • كيلو ونص باذنجان رومي
  • 2 معلقه كبيره ثوم مفروم
  • 1 فلفل حار (اختياري)
  • 1 فلفل رومي صغير
  • ¼ كوب زيت زيتون وممكن زيت ذرة او عباد الشمس
  • ½ كوب طحينه خام
  • معلقه وربع ملح
  • ½ معلقه صغيره كمون
  • عصير ليمونة واحده
  • 2 معلقه كبيره خل
  1. نشوي كمية الباذنجان على البوتجاز من فوق عادي نحطه ونغطيه بغطا حله او طاسة وممكن نشويه في الشوايه ونقلبه كل شويه انا بعمل على البوتجاز
  2. نقشره كويس زي كده ونشيل لحتى السوده فيه على قد ما نقدر انا بسيب فيها وبيتهرس وبيدي طعم المشويات كده
  3. بعد ما نخلص نشيل بقي راسه عشان كنا ماسكين منها عشان نقشر 😁
  4. ندق الفلفل كويس جداً مع الثوم عشان يختلطو ببعض ونحط عليهم الملح والكمون وبعد ما يتفرم كويس نحط الليمون والخل ونقلبهم في بعض
  5. نهرس الباذنجان كويس بالهراسة او بشوكة ونحط الخلطه عليه ونقلب
  6. وبعد ما نقلب كويس نحط الطحينه والزيت ونقلبه كويس اوي عشان الطحينه وبالهنا والشفا ❤️
عجبتك الوصفة؟
شوف كل وصفاتنا في مكان واحد
كل الوصفات →