→ كل الوصفات
#المرور_الاول
المقادير
- قطعة جبنة قريش كبيرة
- قرن فلفل رومي اخضر ويفضل احمر
- حبة طماطم كبيرة
- فص ثوم واحد مفروم
- 2-3 ملاعق زيت زيتون
طريقة التحضير
- صلوا على النبى ياجماعة كان في مرة حتة جبنة قريش قعدة زهقانة كده فقالت اطلع البلكونة اشوف الشارع
- شافها الأمير فلفل في البلكونة كده فقام حبها وكان نفسه يتقدملها ويتجوزها
- جه فص الثوم ده مع انه أوزعة كده وصغنن بس راح شعلل فيها وفتن لأبوها
- جه ابو الاميرة جبنة وحلف ميت يمين انه لازم يقطعه حتت ويفرمه في الهون والفلفل يعيط ويقوله طب افرمنى في الكبة بس أبدا برده ابوها اخده وفرمه في الهون
- جت الحاجة طماطم وقالت تحل المشكلة وقالت لأبوها انا هقطع نفسى حتت ولازم أخلص الموضوع ده
- جه زيت الزيتون وقالهم ياجماعة اخزوا الشيطان انتم مالكوش الا بعض
- وهوب كله مسك في بعضه وقامت خناقة كبيرة لدرجة انهم صحونى كده جرى عالمطبخ والجيران كانوا هيتصلوا بالبوليس
- بس انا ماخلصنيش وروحت جايباهم وصالحتهم على بعض كده وعملتلهم قعدة كده حلوة قولتلهم تعالوا ياحلوين
- وروحت جايبة فنجان القهوة بتاعى معرفش علاقته ايه بالموضوع بس المهم الموضوع اتحل تماما وانا انبسطت جداً😁😁😁 وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد