→ كل الوصفات

سلطة المعكرونة

#ماستر_شيف #وصفات_المكارونة أهلا أحبتي، حبيت نشارك معاكم هذه الوصفة درتها اليوم للعشا جات خفيفة وبنينة استعملت فيها واش كان متوفر عندي يمكن تبدلو تزيدو أو تنقصو في المكونات على حساب الذوق وحسب الموجود.

  • 250 غ معكرونة لولبي
  • حبة بصلة مقطعة رقيق
  • القليل من الزيتون الأخضر مقطع شرائح
  • حبة طماطم صغيرة مقطعة مربعات صغار
  • 1/2 حبة فلفلة حمرة مقطعة رقيق
  • 2 ملاعق كبار الذرى
  • 2 علب تونة بالزيت
  • 2 حبات جزر متوسطين مقطعين قطع صغيرة ومسلوقين
  • رشة من المعدنوس (بقدونس) مقطع ناعم
  • 2 حبات بيض مسلوقين
  • كمية من الزيتون
  • صلصة السلطة جاهزة بذوق الخردل
  1. في طنجرة نحط فيها الماء وقطرات من الزيت ونديرها فوق النار حتى تبدا تغلي نحط الملح ونضيف المقارون اللولبي (VISSE) مانخليهاش طيب بزاف كحد أقصى 10 دقائق نطفي عليها ونكبها في كسكاس باش تستقطر. ملاحظة: ما نخليوش المقارون يطيب (يستوي) بزاف باش ما يتعجنش
  2. نكون وجدت كل المكونات، قطعت الطماطم، قطعت الفلفل الأحمر، قطعت الزرودية وسلقتها قطعت الزيتون إلى شرائح، صفيت التونة من الزيت، المهم كل هاد المكونات حطيتهم في إناء خلطتهم مليح حتى تجانسو
  3. ضفت الماقرون ورشة من المعدنوس (بقدونس) مقطع رقيق خلطت مليح وفي الأخير ضفت حوالي 2 ملاعق كبيرة من صلصة السلطة الجاهزة ذوق الخردل مزجت كل المكونات غطيت على الإناء ودخلتو للثلاجة مدة 15 دقيقة
  4. زينت الطبق من الفوق بأنصاف البيض وحبات من الزيتون المخلل وقدمتو بألف صحة وهنا
عجبتك الوصفة؟
شوف كل وصفاتنا في مكان واحد
كل الوصفات →