→ كل الوصفات
طريقة عمل سلطة المعكرونة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 ربطة معكرونة
- مايونيز
- كتشب
- 0.5 علبة ذرة
- قرنين فليفلة خضرا
- رشة اوريغانو
طريقة التحضير
- منقطع الفليفلة قطع وسط ومنحط نص علبة الذرة فوقهن ومنتركهن على جنب
- منحضر المايونيز (يا جاهز يا صنع اليد)
- انا بعملو على ايدي : بطبخ النشا وبستناه ليبرد بعدين بحطو بالخلاط وبحط نص ملعقة ملح وعصير ليمون واذا مافي ليمون بحط رشة حمض الليمون وفصين توم ما بكتر توم لأن مو كتير طيب مع سلطة المعكرونة وعصرة خردل صغيرة وبشغل الخلاط وبنزل زيت على مهل ليصير تمام 😍
- بسلق المعكرونة
- وبس تخلص وهية سخنة بصفيها بسرعة وبحطها بجاط وبحط بزبدية تانية فنجان مايونيز وفنجان كتشب ورشة اوريغانو ورشة ملح وبحركهن سوا ليصيرو خليط واحد
- بحط فوق المعكرونة الفليفلة الخضرا والذرة والخليط اللي عملتو وبحرك
- بضيف كمان مايونيز او كتشب على حسب الرغبة
- وصحة وألف هنا ❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد