→ كل الوصفات
طريقة عمل سلطة المعكرونة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيس معكرونة مسلوقة
- 3 فليفلة ملونه (احمر،اصفر اخضر)
- 1 ذرة حلوة معلبه
- علبة زيتون اخضر + اسود مخلل
- بندورة شيري حسب الرغبة
- حبة فجل حجم كبير او شي 4-5 صغار
- بقدونس وشمر اخضر مفروم ناعم
- عصير ليمون حسب الذوق
- صوص صويا (סויה) + صوص حلو حادق (צ'ילי מתוק) حسب الذوق
- ملح ، فلفل اسود
- زيت زيتون
طريقة التحضير
- نسلق المعكرونة بماء ورشة ملح وزيت زيتون لمدة 7-10 دقائق مش لما تنهري بالمرة تكون متماسكة ومحافضة على شكلها
- بعد م نصفيها وهي ساخنة نضيف لها الصوصات (صوص الصويا + صوص الحلو حادق) ثم نضيف لها عصير ليمون ونتبلها بملح وفلفل ونتركها تتشرب الصوصات
- فهالاثناء بنقطع الفليفله الوان شرايح والفجل والبندورة بنقطعها من النص
- بنحطهم بصحن سلطة كبير ثم بنضيف عليهم البقدونس المفروم والشمر وبعدين نضيف الذرة والزيتون طبعاً الخضار كميتها حسب الذوق
- بنضيف المعكرونه على الخضار وبنحركها كويس لتتجانس كل النكهات مع بعض وبنذوقها اذا بدها عصير ليمون او صوص وملح زيادة بنضيف لها
- بنحطها بالثلاجة تبرد وتمتص الصوصات لوقت التقديم وصحتين وعافية
- ملاحظة مهمة الكمية هنا كانت مضاعفه فما تقيدت بعدد او كمية خضار معينة كانت على حسب الذوق بتقدرو تقللو او تزيدو حسب الرغبة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد